السلام عليكم
محتار فين اسجل اولادي الله يحفظهم (بنتي لkg2 ) وولدي (grade 1) بمدينة جدة
انا كان نفسي في مدارس الأقصى لولدي لأنها تدريس انجليزي مكثف وسمعتها جدا حلوة بس بعيدة جدا عني
لهذا السبب قررت ادخلهم مدرسة عالمية وان شاءالله يكون قرار صائب
وبعد بحث طويل ومكثف عن أفضل المدارس العالمية بجدة وتكون من مرحلة الkg حتى مرحلة الثانوية للأولاد والبنات وجدت التالي
1- مدرسة النبلاء العالمية
المميزات :1- سألت بعض الاشخاص اللي أولادهم فيها بصراحة الكل يمدح في تدريسهم يعني من ناحية التعليم مافي خوف ان شاءالله 2- السعر مناسب بالنسبة لمستوى التعليم مقارنة بمثيلاتها من المدارس الاخرى
السلبيات : رحت زرت المدرسة المباني قديمه نوعا ما وضيقة مافيها مساحات والأهم انه فيها درج من الداخل يعني ماهي أمنة بالنسبة للأطفال سواء kg او ابتدائي
2- مدارس اليسر العالمية
المميزات : 1- مستوى التعليم برضه يمدحوا فيه 2- شكل المباني جميل ويوجد ساحات واسعة والأهم لا يوجد درج (لأنو سمعت انه المبنى كان مخصص أصلا لذوي الاحتياجات الخاصة في الأصل )يعني ان شاءالله امنة للأطفال
السلبيات : الأسعار مرتفعة
المهم أنا محتار الأن مابين الإثنين الأمان مقابل السعر المرتفع
أفيدوني لو أحد عنده تجربة عن المدرستين أو فيه اقتراح أخر لمدارس أخرى يمكن غفلت عنها والله يجزاكم خير مقدما