أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم,,
أنا و صاحبي ودنا نروح جزيرة لمدة 14 يوم من شهر 8.
صراحة ما بقى بوابة بالمنتدى ما دخلتها و حيل محتار ؟!
احنا نبي جزيرة تكون شبابية نظيفة, الشواطئ اهم شي. و بن تنصحونا؟
و شاكر لكم :x1:
شدعوة ماكو ولا رد أي معلومة ممكن تساعد
اهم شي نبي المكان (نظيف) و في نشاطات بحرية تونس و فنادق بسعر مناسب و حلوة.
انزين قبرص سمعت انها غالية او ما تسوه و تبي فيزا بعد,,, تايلند شرايكم فيها ( ولو انها كلها عرب الحين!!) سيريلنكا؟ او جزر الهند؟ اليونان؟
الله يعافيكم بسرعة لأنه عندي بس اسبوعين عشان اسافر.
مشكورة اختي الصبورة على اقتراحج بس استراليا حدها بعيدة
أختي ميسي أنا سمعت انه موريشوس تصلح للمتزوجين أكثر من الشباب و ما أدري ؟؟
الحين قاعد افكر بتايلند لأنه فنادقها روعة و ارخص من غيرها؟ ولا انتو شرايكم
قرر على تايلاند وتوكل على الله
تلقى كل شي فيها بمتطاول اليد
السكن رخيص والشواطئ نظيفه والألعاب المائيه متعدده وبأسعار مناسبه
ورحلات وأنشطه بحريه عديده ومتنوعه
هذا بالاضافه الى أنشطه اخرى غير البحريه مثل ركوب الأفيال وعالم فنتازيا في جزيرة بوكت
( أنا أمس جاي من تايلاند ومتشوق كثير لعالم فنتازيا الخيالي )
وبعد هالوناسه اللي راح تقضوها في الجزر والأنشطه المتعدده من سباحه وركوب جيتي سكي وباراشوت وغوص وصيد سمك وتجوال بين الجزر بقوارب مسليه و و و الخ
بعد كل هذا تقدرو تروحو على العاصمه بانكوك ليلتين عالأقل وتتبضعو لكم لو حبيتو تاخذو هدايا خفيفه
وهناك تلقو أسواق فخمه وغاليه وأسواق اخرى رخيصه وجيده للهدايا
وأشوف هالبلد يناسبكم كشباب سعرا وترفيه
لكن لو كان الطلب لعائله ممكن نقول خيار ثاني مثل جزر موريشيوس
==
هذا اللي عندي ياخوي
وأتمنى لكم رحله سعيده وين ماكنتو
وأسأل الله أن يكتب لكم الخير في كل خطوه تخطوها
==
اخوكم
أبو مانع
أرابست: يعطيك العافية اخوي و الحين بشوف الموضوع مشكور.
أبو مانع : صراحة شوقتني وايد حق تايلند,, ممكن سؤال كونك راجع امس منها:: في سواح عرب وايد في بوكت؟ او وين سكنت؟
مشكور
بس اخوي نصيحه انتبهوا من السباحه اذا بتروح فوكيت بتايلاند
امس قريت بجريده الرياض عن واحد سعودي عمره 29سنه بفوكيت وجربوا يسبحون هو واصدقائه الصباح بالبحر
وكان الموج مرتفع مره وغرق
والله مره ضاق صدري يوم قريت الخبر ياعمري رايح ينبسط وصار له كذا لا ومتزوج وعنده طفل رضيع
الله يرحمه يارب
اهم شي نبي المكان (نظيف) و في نشاطات بحرية تونس و فنادق بسعر مناسب و حلوة.
انزين قبرص سمعت انها غالية او ما تسوه و تبي فيزا بعد,,, تايلند شرايكم فيها ( ولو انها كلها عرب الحين!!) سيريلنكا؟ او جزر الهند؟ اليونان؟
الله يعافيكم بسرعة لأنه عندي بس اسبوعين عشان اسافر.