وينكم ؟؟
اخوي ريشة المسك تعبت وانا اراقبك في المتواجدين :36_1_3:
شور عليي :36_1_44:

مرحبا انا اسف بس ممكن تشوفوني اني فعلا متواجد بس انا غير متواجد لاني ما اعمل خروج من المنتدى احب ادخل مباشرة
عموما الي يهمني بالبداية اعرف كم السعر الي تقدرون تدفعونة حق الشقة وكم عددكم وفي اي تاريخ تريديون تسافرون ؟؟
تحياتي

ياهلا اخوي بسيطه .. ادري فيك مانتبهت والا انت ماتقصر ..
احنا اثنين طبعا انا وزوجي و 2 اطفال اقل من 10 سنوات
كنا حاطين في بالنا ناخذ غرفتين في فندق وبعدين قلنا ان شقه فندقيه افضل
بس امس رحنا معرض السفر في ارض المعارض ونصحونا هناك ناخذ غرفة Premier وتكون Triple
افضل لنا عشان عددنا مسموح فيه نسكن بغرفه وحده ..
المهم .. احنا باذن الله بنسافر في 20 - 7
وكنا حاطين ميزانيه 50 دينار في اليوم للسكن
عموما انا شيكت الشقق اللي ذكرتهم في الموضوع و زين ان طلع سعر اغلبهم مايتعدى ال 130 دولار
يلا يا ريشة المسك .. اي اقتراحات انا بكون سعيده فيها
شورتك و هداية الله

جراند بريزدنت سويتات وشقق اللي سكنو فيه مدحوه
فندق بريزدنت سوليتير سويتات راقية بس البلاتينيوم سويت سكنت فيه ممتاز
سوفتيل جراند سوخمفيت ممتاز اختي حاليا في بانكوك وساكنه فيه تمدحه وايد والفندق جديد من سنة تقريبا فاتحينه

اخر سؤال
ليش ماتختارون فندق ؟؟؟

ممكن ارشح الشقق الاتية
سوفتيل جراند سوخمفيت
شقق الامبوريوم
بريزدنت سوليتير
وبالتوفيق ان شاء الله

مشكوره ام شيخه .. بس اذا ممكن رابط سوفتيل قراند اللي اختج الحين فيه

هلا اخوي ريشة المسك
انا افضل الفندق .. بس شيكت الفنادق يطلع سعرهم وايد للغرفتين
واذا باخذ غرفه وحده و عيالي بيكونون معاي احس بيكون ضيق
عالاقل الشقه الفندقيه بيكون فيها سعه و ماباتضايق من حوستهم عندي
بس اذا عندك اقتراحات للفنادق عطني و بشوف !!