بداية احب اشكر كل القائمين على هذا المنتدى الرائع وجزاكم الله الف خير على المواضيع والتقارير اللي تفيد السائح العربي .. احنا من غيركم سلطة :02yju:
موضوعي هو ان احنا خططنا(انا وزوجي) للسفر في الصيف ان شالله شهر 6 وخذيت انا دورة في المنتدى واستفدت كثير من التقارير الموجودة وعلى هالاساس خططت مبدئيا للرحلة لكن التخطيط قابل للتعديل والاضافات من قبل ارائكم وخبرتكم لاني بصراحة محتارة في بعض المناطق اللي بروحها اذا تستاهل او لا .. ومعلومات الرحلة كالتالي :
عدد الافراد 2 ووسيلة النقل القطارات والباصات وتاريخ الرحلة 12/6/2010 باذن الله ومدتها 20 يوم ومخطط الرحلة هو
بلدنا -جنيف - انترلاكن- باريس-بلدنا
وزوجي يفضل بلدنا -جنيف - انتر لاكن - ميلانو- باريس - بلدنا
بالنسبة لتوزيع الايام ماحددت الى الان وابي مشورتكم وفي 50 سؤال في بالي :
1- اذا نبي نروح مدينة الالعاب يور بارك في رست الالمانية شلون اضيفها في البرنامج ومن وين اروح لها؟
2- ماهي المنطقة القريبة اللي المفروض نروح لها عشان تكون اقرب لنا لباريس وكم المسافة؟؟(اذا مارحنا ميلانو )
3- هل ينفع ازور المناطق القريبة من انتر لاكن وارجع لانترلاكن في نفس اليوم ؟ مثلا اروح من الصبح منترو واتمشى فيها وبعدها ارجع ؟؟؟
4- هل هناك مناطق متكررة في المناظر و الطبيعة عشان ماروحها واستفيد من زيارة مناطق اخرى ؟؟
5- ميلانو كم تستحق الجلوس فيها يومين يكفي ؟؟؟؟
6- بالنسبة لعملة سويسرا يكون افضل معاي يورو ولا فرانك سويسري ؟؟
7- بالنسبة لانترلاكن هل اكتفي بالاستفادة من الانشطة والرحلات اللي فيها ؟ او لازم امرع بعض المناطق ؟؟
خلاص تعبت من التفكير اسمحو لي عالاطاله ...