هلا بك اخوي افضل خط سير بالنسبة لك كالتالي مدريد4 ليالي تخصص منها يوم لزيارة طليطله ثم الانتقال الى ملقا بواسطة القطار السريع ساعتين ونصف تجلس هناك 6 ليالي حيث تسكن باحد المنتجعات الجميله والمعقولة السعر وتخصص يوم لزيارة غرناطه ويفضل ان تستاجر سياره خلال هذه الفتره لكي تسهل انتقالاتك من ملقا الى ماربيا وفنخرولا وجميع مدن الشاطيء وتسهل عملية اختيار السكن وكذلك تسهل زيارتك للحمراء اقل من ساعتين بالسياره اخيرا تنتقل الى برشلونه بواسطة الطيران الاقتصادي لانه لا يوجد قطار سريع بين ملقا وبرشلونه واذا رغبتك تكون عودتك مباشرة من برشلونه لان بعض الخطوط لها محطات هناك مثل الطيران المصري تحياتي

ماربيا ماتنفع بدايه لان مافيها مطار ولا فيه رحلات حتى من الخليج الى ملقا (اقرب مطار)
الافضل توصل لمدريد وبعدها تروح للجنوب وبعدها برشلونه وتسافر عوده من برشلونه او العكس

يعطيكم الف عافيه ..
انا حجزت على الخطوط القطرية بخط سير ( الرياض- الدوحه - مدريد - الدوحة - الرياض)
طبعا اول ماوصل مدريد ناوي احجز طيران داخلي لملقا ومن هناك بتاكسي الى ماربيا وبعدين طيران داخلي لربرشلونه 4 ليالي ومن هناك لمدريد 5 ليال والعوده ان شالله ...
سؤالي كيف طريقة استئجار السيارات بماربيا ؟ وكم اسعارها؟

طريقة استئجار السياره تكون عن طريق حجزها من الانترنت وشوف وش افضل وارخص شركه والسعر يختلف حسب نوع وحجم السياره وهل هي قير عايدي او اتوماتيك ويشترط ان يكون معك بطاقة ائئتمانيه باسمك وبالنسبة لبرنامجك احجز السياره من محطة قطار ملقا والتسليم يكون بمطار ملقا وشوف شركة يورب كار او شركة اوتو يورب وجميع هذه الخيارات توضح لك عند دخول اي موقع شركة تاجير سيارات ويجب عليك تحديد موطنك علشان يعطيك السعر الصحيح لان بعض الدول لها خصومات وهذي مواقع بعض الشركات الاول يورب كار http://www.autoeurope.ae/car.cfm تحياتي

يعطيك العافية اخوي دايم1
ان شالله انا راح اوصل ملقا طيران من مدريد... ممكن استلم السياره من هناك ؟ وايش الافضل اني اخذ السيارة اول ماوصل او من ثاني يوم ؟ وكيف طريقة التامين على السيارة ؟