السلام عليكم ورحمة الله وبركاتةلا اجيد المقدمات لذلك سأدخل في صلب الموضوع
أنا بإذن الله مسافر الى لندن في اول يوم من شهر ذي الحجة ويوافق ( سبتمبر ) لمدة 12 يوم انا والأهل وهذي أول سفرة لأوربا في حياتي احنا 6 اشخاص وبينهم طفلين
وبصراحة متخوف شوي بحكم انها اول سفرة واللغة عندي تمشيني شوي مب مره
في البداية
ابغى جدول بسيط ومرتب للاماكن المعروفة والسياحية لمدة 12 يوم . انا دورت بالمنتدى لكن مالقيت اللي يناسبني ف ياليت تفيدوني وانتوا ماتقصرون ان شاء الله وفيكم الخير
النقطة الثانية
كيف اروح من المطار للمنطقه اللي انا فيها وكيف اعرف الطريق لو بروح بالمترو ووش احسن وسيله ورخيصه اروح فيها خاصة لأن معي عائلة
المنطقة اللي أنا فيها : 238 City Road, London, GB . جبته من موقع البوكينق مدري اذا هو الصح العنوان او لا وهذا رابط الفندق
smart city apartmint city road
https://www.booking.com/hotel/gb/smart-city-apartments.html?aid=1300939 النقطة الثالثة
من خلال الرابط اللي فوق
ابي اعرف اسم المنطقه والعنوان حقي او اسم الشارع ( الزون ) ايضا في محطات الميترو
لو بغيت اروح وارجع مثلا كيف اعرف اسمها في اللوحات
النقطة الرابعة
البطاقات الاسبوعية حقت الميترو كيف اشتريها وكيف نظامهم واسعارهم
فيها هل هي للشخص الواحد او لا . وهل فيه عرض اسمه 2 في 1 .. وهل
تشمل الباصات او فقط الميترو
النقطة الخامسة
وهذا شي مهم واللي هو . الطقس . طبعا انا بروح بشهر سبتمبر في يوم 25
كيف الجو ودرجات الحرارة عشان اخذ احتياطاتي
النقطة السادسة
بطاقات الصرافه السعودية مثلا سامبا راجحي هل استطيع استعمالها او
فقط فيزا . واذا الجواب نعم . هل ستاخذ مني عموله او لا وكيف طريقة الدفع للفنادق والشقق ووش الافضل
النقطة السابعة
انا بأخذ لابتوبي هل يسمحون بدخوله وايضا معي ايباد للاطفال كيف اجرائاتهم في المطار
النقطة الثامنة
الاماكن السياحيه / اللي سمعته والاغلب يقول ان الافضل احجز عن طريق
النت لان الزحمه في بعض الاماكن السياحية تطول . اذا عندكم مواقع الاماكن هذي بالنت ي ليت تعطوني اياها
النقطة التاسعة
الشريحه حقت الجوال . من وين القاها وكم اسعارها . ووش احسن شركة .
واذا بشتريها من المطار تفرق اسعارهم
النقطة العاشرة
اذا فيه شي تعرفونه وانا ماقلته ويفيدني اتمنى ماتبخلون علي .. مثلا
اجرائات المطار كم تاخذ .. ضرايب .. انظمه المسافر الجديد يجهلها .. اي شي
يخطر ببالك يفيد مسافر مبتدئ ي ليت تعلموني .
المنتدى وضع للأستفادة والإفادة اتمنى اي واحد يدخل موضوعي يجاوب عاللي يقدر
شكرا وان شاء الله ارجع بخير وسلامه وافيدكم باللي اعرفه
تحياتي ورحله سعيده ان شاء الله