هلا بك اخوي
للاسف الميزانية لا تكفي حتى للباكج لمدة 6 ليالي في موريشيوس
محتاج ميزانية بحدود 35 الف ريال لمدة اسبوع فيها
ومحتاج تزيد الميزانية اذا نويت الذهاب الى ج افريقيا مثلا
واي سؤال لا تتردد

اخوي ابو عزيز
اولا اشكرك على مرورك
ثانيا وجدت في بعض تقارير الاخوان ان هذا المبلغ يعتبر كويس(حسب اللي فهمته من التقرير)
وكما قلت ما يهمني درجة الفندق اهم شي يكون كويس

• يعني كم بالضبط محتاج اذا ابغى موريشيوس وماليزيا مثلا؟؟؟؟

معاقب الروح2
موريشيوس مع ماليزايا صعبة من ناحية التكاليف
لكن ممكن 25 الف تكون مناسبة اكثر لماليزيا لانها بكل الاحوال ارخص
موريشيوس الباكجات تبدا من 22 الف ريال ل6 ايام ومحتاج معها بحدود 5 الالف مصاريف اخرى
ممكن تحاول وتشوف مكاتب السياحة في ديرتك وتسالهم عن باكجات للوجهة اللي تبيها
ان شاء الله تكون الفكرة وصلت لك

اسف على التاريخ الخطاء
زواجي راح يكون في
1433/2/25
طيب اذا ابغى جزيرة مو لازم موريشيوس مع ماليزيا ارخص شي كم تكلفني
واسف على الازعاج

معاقب الروح2
صعب جدآ ذلك بميزانيتك المذكوره ولكن هناك جزر في ماليزيا في لنكاوي وجميله جدآ تقدر تدخل بوابة ماليزيا والاخوان هناك ماراح يقصرون معك

السلام عليكم
ابو عزيز انت تقول 35000 لاتكفي لباكج لمده ستة ايام وفي كثير من الاعضاء يقول انه حصل عرض ب 15000 اقل او اكثر ماادري هل هناك طريقه عشان الواحد يصيد هالعروض
والف شكر

ميزانيتك 25 الف ؟؟
ام
يمديك توزعها بين سيريلانكا والمالديف
يعني مثلا تروح سيريلانكا وتجلس فيها لمدة 10 ليالي كالتالي :
اول ليله في كولومبو
4 ليالي في كاندي
4 ليالي في بنتوته وتاخذ لك فره منها الى بواريليا والمسافه بينهم 10 دقايق سياره
وبعدها ترجع كوولومبو وتقيم فيها ليله للاستعداد للسفر الى جزر المالديف
طبعا المالديف تجلس فيها كحد اقصى 3 - 4 ليالي
ام
وانصحك تاخذ الرحله كلها على خطوط واحده يعني مثلا على السيريلانكيه علشان يكون السعر مناسب للطيران
بكذا ميزانيتك اعتقد انها مناسبه لهذا الباكيج
انا العام اخذت هذا الباكيج وماكلفني اكثر من 17 الف مع العلم انه الفنادق اللي اخذتها 5 نجوم

اولا اشكركم جميعا على تفاعلكم يا احلى اعضاء في الدنيا
ثانيا الاخ العزيز ابو بانه بالفعل انا سمعت انه في اعضاء لقو تقريبا بالقيمة اللي قلتها وهذا الشي اللي انا مستغربة واذا كان في احد راح ودفع هذا المبلغ فقط ياليت لو يفيدنا
اخوي باسل فكرة حلوة جدا بس ياليت تعطيني تفاصيل اكثر من ناحية تكلفة الطيران وسعر الفنادق ومن هالقبيل وياليت لو تذكرلي اماكن حلوة للعرسان
وشكرا لكم جميعا