وعليكم السلام ومبروك مقدما
خط السير ممتاز جداً والأفضل ما تزيد مناطق اكثر انته رايح شهر عسل هدوء وريلاكس لا تعب عمرك بالتنقل الزايد
ميونخ ما أنصحك بالسياره لانها زحمه والمواقف غاليه
الجو متقلب جداً ساعه حر وساعه مطر نوعو في اللبس لازم معاكم بلوفر شتوي ومظله او جاكيت للمطر

اتفق معك ان شهر العسل مايحتاج تنقلات كثيره
بس قلت لو فيه مدينه او شيء ع الطريق تحتاج الزيارة ياليت ذكرها
طيب لو ما استأجرت سيارة ماهي وسيلة التنقل داخل ميونخ؟
عشان مثلا يكون استأجاري للسيارة بأخر يوم وانا طالع من ميونخ!

ولا عليكم امر
ابي سكن في كل المدن الآتيه ,, او يكون قريب جدا من المدن
ميونخ
زيلامسيسالزبورغ
فيينا

الف مبروك مقدماً وسيلة النقل في ميونخ هي المترو
وتستأجر السيارة في اخر ليلة لك في ميونخ وعند العودة اول ماتوصل الى ميونخ تسلم السيارة
الفنادق
لابد اول شي تحجز التذاكر من اجل تحديد التاريخ بكل دقة من اجل نحدد لك الفنادق لان من الصعب تحديد فندق بدون تاريخ وتجي تحجز في وقت معين وتتفاجأ في وقتها انه محجوز بالكامل
او
بإمكانك المرور على قسم الفنادق في داخل البوابة وتشاهد تجارب الاعضاء للفنادق والمواضيع المثبته في القسم
الاماكن والبرامج السياحية والمعالم السياحية
في المواضيع المثبته في البوابة قسم الاستفسارات
موضوع الجداول اطلع عليه راح تستفيد
وموضوع معالم النمسا في قسم معالم النمسا
اطلع عليه للحصول على الاماكن السياحية مع احداثياتها

وجدت تذكره وقتها جدا مناسب لي
الوصول لميونخ ظهر يوم 25 سبتمبر راح احجز في ميونخ 3 ليالي
اليومين الاولى بتكون داخل ميونخ بدون سياره
(احتاج سكن قريب من المارين بلاتز لأن بدون سياره)
اليوم الثالث راح استأجر سيارة واطلع على طول على قارمش واقضي نهاري هناك وارجع لفندقي بميونخ
الفنادق + المعالم السياحية بميونخ وقارمش
بعدها التوجه الى زيلامسي بالسيارة
راح اقضي 5 ليالي في زيلامسي ومعي سياره
احتاج سكن + فعاليات واماكن سياحيه تابعه لزيلامسي
راح اتجه بعدها الى سالزبورغ (اذا كانت تستاهل للمعاريس)
افكر اقضي فيها ليلتين
احتاج سكن مو شرط يكون داخل سالزبورغ اهم شيء قريب
+
المعالم السياحية
بعدها سأتجه الى فيينا
سأقضي فيها 4 ليالي
احتاج سكن + المعالم السياحية الترفيهيه
ثم قبل العوده بيوم ارجع مره اخرى
من فيينا واتوجه الى ميونخ
احتاج سكن ليلة وحده قريب من المطار
والعودة لأرض الوطن بإذن الله بسلام
اعتذر عن كثر الكلام والازعاج
ولكن احتاج فزعتكم
والله لا يحرمكم الاجر وادعي لكم وانا صايم
ياليت مراعاة ان الرحله رحلة شهر عسل
الاماكن نحتاجها حقت معاريس جدد
والفنادق من 5 نجوم و 4 نجوم بس تكون جميله
تحياتي لكم
بانتظاركم

السلام عليكم ورحمة الله
أنصحك ماتكثر سفر حرام تتعب نفسك والمسكينة بالعفش خل المسكينة ترتاح وأنتو معاريس يعني أستمتعو والجو بيكون حلو مره
سالزبورغ أنصحك ماتروح لها أنا رحت لها وسبحان الله من طبيت فيها ماعجبتني وكانت رحلتي لها مسافة الطريق فقط ومن وصلت للفندق اللي في سالزبورغ رجعت مره ثانية لكابرون
كابرون منطقة جميله جدا وأنصحك أذا بتروح زيلامسي أنك تسكن بكابرون وترا كابرون عن زيلامسي خمس ألي عشر دقايق بالسيارة
وشف فندق ليدرز مرره رومانسي أنا أخذت غرفة تطل علي نهر وكان الجو خيالي والفندق نظيف مره وصاحب الفندق أندورس مره خلوق ويساعد بصراحه راعي فزعة
وناوية في أكتوبر أروح بعد لكابرون وحجزت بنفس الفندق