ثلاث ايام نيويورك وبعدها روح الي هيوستن

يعطيك العافية أخي
كيف بالنلسبة لفلوريدا ايش افضل واقرب هي وإلا نيويورك ؟؟
وايش افضل ناقل جوي من ناحية السعر والجودة ؟؟
يعطيكم العافية

اذا نيويورك بتكون محطة الوصول نصيحة اقعد فيها يومين او ثلاثة وبعدين طير الي هيوستن.....
شنو خط طيرانك؟

خط الطيران كالتالي،
الإقلاع من الدمام والوصول حسب المحطة الي ابغاها اما هيوستن أو نيويورك أو غيرها.
ثم من مدينة الوصول إلى هيوستن ( ناقل داخلي)
أخيرا العودة من هيوستن إلى الدمام.
ويعطيكم العافية

فلوريدا اقرب لك .. نيويورك جميله انا من سكانها حالياً
فالامر لك .. نيويورك او فلوريدا " اورلاندو "
انتظر ردك لاعطيك اقتراحات اكثر ولا ازيد على اخي عزيز فهو الخبير

والله الود اني ازور نيويورك ، ياليت تعطيني مقارنه بين الثنتين وما استغني عن ترشيحكم ...
يعطيكم العافية

اجل ما دام ودك في نيويورك .. حياك الله
اولاً : انا موجود فيها واذا احتجت شي لا سمح الله راسلني باللي تبي ..
ثانياً : بما انها ايام معدوده .. انصحك تسكن بالتايم سكوير طبعاً وخيارات الفنادق كثيره واغلبها جميل
مثل الميلينوم و الويستن .. الخ , وعندك طال عمرك السنترال بارك .. جميله وفيها انشطه ..
طبعاً السنترال بارك مو بعيده عن التايم سكوير .. يعني 15 دقيقه مشي بالكثير ..
وعندك تمثال الحريه .. وفيه عبارتين وحده يبيلك ثلاث ساعات عشان تركبها مع التفتيش وغيره
والثانيه مجاناً بس ما تروح للجزيره اللي فيها التمثال !
و طبعاً من غير الانشطه المتنوعه .. مثلاً : هليكوبتر لمدة زمنيه قصيره فوق مانهاتن نيويورك !
والامباير ستيت .. تروح فوق لأعلى برج في نيويورك .. مناظر جميله خصوصاً فترة المغرب
والكثير الكثير .. ما راح تضيع كل شي راح يكون باين ..
بالتوفيق

تسلم يالغالي الله يعطيك العافية ماتقصر
اعذرني على تأخري في الرد لأني كنت مشغول في التجهيز للفيزا وأمس الحمد لله كان موعدي وسلمتها ووعدوني خير..
فيه استفسار عن الفيزا، طبعا انا قدمت فيزا عمل (b1) وأهلي فيزا زيارة (b2) بعدين قال لي واحد من الزملاء انه في خيار ثالث وهي كلها b1 &b2 وبصراحة ندمت ما قدمت عليه،فما ادري هل بيحطونها في الجواز فقط b1 او b2 والا بتكون كلها ؟؟؟ وايضا هل ممكن يعطوني اقل من 5 سنوات ؟؟
وبالنسبة لنيويورك ان شاء الله اتفرغ لها وأكييد راح ارجع لك اذا اتجت اي مساعدة ، ادري ما بتقصر معاي ...
الف شكر

الحمد لله تم استلام الجواز والأمور تمام ..
حبيت آخذ رأيكم في اي ناقل جوي افضل إلى امريكا وياليت ترتبونهم لي مشكورين:
طيران الأماراتية ، القطرية ، الإتحاد ؟؟
ويعطيكم العافية