*الحلا*
22-09-2022 - 10:43 pm
مرحبا أخواني شخباركم...
بعد البحث والاستطلاع ع مواضيع الشباب جدرت الم ببعض الشي عن سويسرا ...
بس محتاجه تخطيط لهناك همي مش مشكلة حجز التذاكر لا ..المشكله ف حجز السكن لهناك ويين وكيف ؟
انا وزوجي خططنا نروح فرنسا / سويسرا
يعني نقطة الإنطلاق راح تكون عمان باريس والعوده باريس عمان إن شاء الله ..
مدة السفره بين 7-8 أيام تقريبا ...
اللي اريده منكم يأهل الخير مخطط لرحلتنا كل مره ادخل واشوف مخططات الاعضاء بس طبعا كل واحد حسب عدد الايام اللي بيقضيها هناك..
ف نظركم جم يوم نجلس ف باريس ؟؟؟
انا حاطه بين اليوم إلا اليومين فقط بحكم قرائتي ان باريس غاليه كثير وان الطبيعه والاستجمام اكثر ف سويسرا ...
يعني انا اقول نوصل باريس اول الصباح ونتمشى فيها لآخر المساء واليوم الثاني نطلع ع جنيف ...
ف سويسرا حاطه نسكن ف جنيف ومنها نزور البحيره والنافوره ونروح منترو او لوزان..وين الافضل ؟
انريد نروح انترلاكن بس جم يوم ف نظركم نجلس هناك؟
ووين نستأجر ؟علما انا نريد نسكن فشقق نظيفه ومكان امن ورخيص ونفس الشي بالنسبه لباريس ؟؟؟
اعذروني راح اتعبكم بالأسئله بس محتاجه ردكم بأرع وجت لان جدامنا شهر ونتزوج وما عندنا وجت نتصفح صفحات المنتدى لان ورانا التزمات ثانيه وتجهيزات العرس أشكثر ...
بو عزيز وينكم انقذني بارك الله فيك