طيب بالاساس وين بتوصلون فيينا ولا ميونخ؟
والديره الثانية غير زيلامسي اللي تسكون فيها ايش هي

الأخت نبع العين,
ولو أني لسه مارحت النمسا, جاري التخطيط لها, لكن راح افيدك باللي أقدر الان لان صراحه بوابتنا مادري ليش الردود فيها بطيئه,
برد باللي أقدر, ولغرض رفع الموضوع,
عندك تقريبا 11 يوم,
تمام إن تخطيطكم النصيب الأكبر لكابرون,
حسب التقارير اللي اطلعت عليها ,
الافضل البدايه من فينا, تمشي بخط السير بالتريب إلى ميونخ
فينا اعطيها يومين مثلا
سالزبورغ يومين أو يوم
والنصيب الأكبر لكابرون (ويفضل تسكنين بكابرون احسن من زيلامسي) واسكني بأي فندق او شقق مفروشه تكون نظيفه ولا تحاتين موقعها, لان كابرون صغيره عادي
انا اطلعت على اسعار الفنادق فيها رخيصه ومعقوله جدا
وبعدها اتجهوا إلي ميونخ يومين , ثم لأرض الوطن..
بالنسبه لإستئجار سياره, الغالبيه ماينصح تستأجرون من فيينا, المواقف كلها بفلوس وغير كذا مالها حاجه بفينا, كل شي متوفر الباصات والاندر قراوند..
اطلعوا من فيينا بالقطار السريع إلى سالزبورغ, وبعدها باص او تاكس لمنطقه بألمانيا اسمها فريسلنق منها استئجاروا السياره
بتكون ارخص لانكم تاخذونها من المانيا وتسلمونها بألمانيا ارخص..
ثم ارجعوا سالزبورغ يوم او يومين, وبعدها لكابرون..
بالنسبه لموقع استئجار السياره, فيه موقع احجز منه سنوياً
يعتبر مثل المواقع اللي تبحث عن الفنادق,
يبحث بعدة وكالات سيارات وآمن وسعره ممتاز
اسم الموقع
arguscarhire
اكتبيه بقوقل,
واكتبي مكان استلام السياره
من مدينة
freisling
التسليم
munich
وان شاء الله باقي الاخوان يفيدونك بالأمكان التفصيليه اللي حددتيها..
تحياتي ورحله موفقه

عاشق الرياض
انا اريد مساعدتك في تحديد خط الرحلة الصحيح
من وين ابدا ومن وين آنتهي .. لان ماعندي فكره عن الاماكن الثانيه في اي منطقه تقع..
ابو مريم مشكور وماقصرت الله يعطيك العافيه
يعني قصدك يكون خط الرحله
فينا _سالزبورغ_كابرون_فينا ؟؟
يعني كيف انزل في فينا وارجع من ميونخ مايصير آظن

خط الرحله
فينا ( باص من المطار)
من فينا الى سالزبورغ (بالقطار السريع) 3 ساعات ونص
سالزبورغ الى فريلايسينغ (بالقطار لاستلام السياره) 5 دقايق
من سالزبورغ الى كابرون (بالسيارة)
لكن سؤالي كيف أقدر اروح (يورب بارك والزحليقة الصيفية في الغابات السوداء)؟
يعني في اي منطقة آسكن عشان اروح هالاماكن؟؟
وعلى هالاساس بيترتب خط الرحلة
ارجوكم تساعدوني

الاتحاد ماتنزل فيينا
تنزل ميونخ

صح كلامك أخوي ومشكور لأنك نبهتني
بس لو سمحت ما دامك خبير في النمسا
ياليت آترتب لي خط سير الرحله من ميونخ وللاماكن الثانيه
وخصوصا كيف اوصل لليورب بارك والغابات السوداء
وياليت آترشح لي فندق قريب ورخيص في ميونخ
وباقي المناطق على حسب خط الرحله واللي تشوفه مناسب
وهل آستلم السياره من ميونخ او لا؟
انتظر ردك

هل يكون خط الرحله كذا؟؟
ميونخ يوم _ ريست 3 ايام _ زيلامسي 6 ايام _ميونخ يومين
من ميونخ الى رست ثلاث ساعات ونص تقريبا
ومن رست الى زيلامسي خمس ساعات تقريبا
ومن زيلامسي الى ميونخ 3 ساعات تقريبا
طبعا بالسياره
شو رايكم؟؟