- (زرنا بورصه ويلوا قبلاً لذلك مايحتاج نكرر)
السلام عليكم ورحمة الله وبركاته.
حابة استفسر عن حاجات, مع انه هادي حتكون (ان شاء الله ) تاني زيارة لنا لتركيا
باسأل عشان المره الأولى اعتمدنا اعتماد كلي على شركة فا هادي المره حابين نعتمد على نفسنا
المهم ,الرحلة حتكون في اجازة الحج, حتكون تقريباً اسبوعين.. تخطيطنا هوا
- - اسطنبول 6 ايام
- اوزنقول 3 ايام
- اسطنبول المتبقي هوا يومين, ومنها نرجع على السعودية *
السؤال الأول \ هل التخطيط هاذا سليم؟ تشوفوه كويس؟ او نقلل ايام اسطنبول نخليها 5 ونزيد اوزنقول؟
(زرنا بورصه ويلوا قبلاً لذلك مايحتاج نكرر)
السؤال الثاني \ اش فيه نصائح بما انه احنا حاجزين لنفسنا طيران وفنادق وغيره؟ يعني في شي نركز عليه, وكمان لما الرحلة موعد الوصول حقها يكون متأخر او بدري المهم مايكون على موعد ال check in هل يدخلونا؟!
- اسطنبول اخترنا فندق tilia احد جربه او عليه ملاحظات؟
- اوزنقول اخترنا ensar مني عارفه هو موتيل او هوتيل المهم, كويس او لا؟
لانو في واحد الكل ينصح فيه بس مالقينا حجز على موعدنا لذلك انجبرنا على هاذا.
سؤال مهم جداً عجزت افهم اش القصه على كثر المواضيع والأسأله عنه.
الآن, كيف طريقة الذهاب إلى اوزنقول؟ انا فهمت انه الواحد يحجز من اسطنبول على مطار ترابزون وياخدله تاكسي او سيارة بسائق خاص او اذا فيه قطار؟ هل هذا صحيح او فهمي غلط
آخر حاجه.. الجو كيف حيكون في نوفمبر , يعني الحج؟
جزاه الله خير اللي حيجاوب على تساؤلاتي
بالنسبة للوصول إلى أوزنجول فيكون عن طريق حجز على الطيران الداخلي إلى مطار طرابزون ومن هناك تأخذون باص أو تاكسي أو تستأجرون سيارة وهذا ما أؤيده بشدة لأن الشمال التركي لا يكون أجمل إلا بسيارة تتنقلون فيها من مكان إلى مكان آخر لأن بقاؤكم في أوزنجول طول المدة ممكن تطفشون لكن اجعلوها مكان للمبيت ومقر للانطلاق الى المناطق المجاورة على كل حال استئجاركم لسيارة من المطار سيوفر عليكم الكثير من المال والجهد بالنسبة للفندق المذكور أحس إن سعره مبالغ فيه وهناك موتيلات كثيرة نفس المستوى والخدمات ستكون أرخص بكثير