.. تـوليــن ..
16-12-2022 - 02:13 am
السلام عليكم ورحمه الله وبركاته
كيف اعضاء عرب .. إنشاء الله بخير وصحه وسلامه
حبايبي انا بصراحه محتاجتكم ضروري .. وخصوصا أهل المدينه
احنا إن شاء الله طالعين على المدينه يوم الخميس الجاي
وراح نجلس فيها تقريبا الين يوم الثلاثاء
فياليت تدلوني على افضل مراكز التسوق وتكون شامله لاغلب الماركات
وعلى اجمل المنتزهات كمان ... وياليت الوصف يكون بالتفصيل
لانه اللي راح يتكفل بتوصيلنا اخويه .. وهو ماشاء الله عليه يعني يحفظ الشوارع
فاذا جيت اوصفه على مكان ماراح اتعب اذا اعطيته اسم الشارع
واستفسار اخير بس لا تضحكوا عليه ..
مع اني قد دخلت الحرم قبل كذا بس مااعرف فين دورات المياه الخاصه بالنساء
وبصراحه حتى هذي المره بغينا نروح وانا ماني عارفه مكانها ..
بس اختي سألتني وقلت لها باسال وإن شاء الله اعرف
اتمنى عن جد احد يساعدني وله دعوه بإذن الله وأنا في الحرم
دمتم في حفظ الرحمن ورعايته
حياك الله في طيبة الطيبة ورحلة موفقة بإذن الله تعالى ..
بالنسبة لمراكز التسوق تحدث عنها الإخوان في مواضيع سابقة ولك في البحث
طريق مختصر ولكن سوف أعطيك وجهة نظري الخاصة ..
مركز الراشد مول
مركز النور مول (راائع)
التجول في شارع أبو بكر الصديق (سلطانة سابقاً) حيث عندك الأسواق الشعبية
ولكن تجدين فيها أشياء قد تتفاجئين بسعرها مثل سوق الشرق الأوسط (القمة)
وسوق ستي ماكس ممتاز وكذلك هناك الماركات العالمية مثل سوق السواني
وهذه جميعها في نفس الشارع ولاتحتاج سيارة بل التجول على الأقدام وبعدها
تناول العشاء في أحد المطاعم للوجبات السريعة أو المشويات حسب ميولكم ..
سوق الساحة طيب وقريب من سلطانة فقط أسألوا عنه وهو في شارع خالد بن الوليد
أمام فندق المريدين - طريق مسشفى الملك فهد ..
المنتزهات .. بصراحة الحرم والتجول في أسواقه ومراكزه القريبة منه هي أكبر متعة
وراحة فأجعلوا أيامكم قريبة منه وفيه أسواق ومطاعم كثيرة تغنيكم عن المنتزهات وهذا
مجرد رأي وإذا كنت تريدين منتزهات سوف أدلك عليها ..
بالنسبة لدورات المياه الخاصة بالنساء تجدينها أمام البوابات الخاصة بالنساء في الحرم
النبوي الشريف ويكفي السؤال عنها أي شخص ولا تضيع ..
طولنا شوي .. أي استفسار حاضرين بإذن الله تعالى وحياكم الله في طيبة الطيبة ..