- بسم الله الرحمن الرحيم الرحيم
- السلام عليكم ورحمة الله وبركاته
بسم الله الرحمن الرحيم الرحيم
السلام عليكم ورحمة الله وبركاته
عدنا لكم والعود أحمد .. وأخيراً ربعد حيرة طولت لمدة أكثر من شهر صفينا - أنا واثنين من اصدقائي - وكلنا شباب إلى استراليا .. وبصراحة كان في خيارات واجد منها اللي في الشرق واللي في الغرب واللي في الوسط وفي كل مكان .. المهم ما علينا .. أهم شي اخترنا استراليا وبصراحة لو ما جهودكم ومواضيعكم الرائعة ما كان اخترناها ..
عشان ما نطول عليكم .. بقول لكم جدول رحلتنا ومن جد يشرفني تعليقكم عليها ..
ان شاء الله في تاريخ 30 JAN بنطلع من البحرين .. على الخطوط القطرية إن شاء الله وبنزل في الدوحة وبعدها بنطلع شاء الله على سنغافورة .. ونبدل الطيارة ونكمل إلى بيرث - وبصراحة ما لقيت مواضيع في المنتدى عن بيرث !! مع اني اسمع انها حلوة .. بس مدري ماشفت موضوع عنها يتكلم .. وإذا اي واحد عنده خلفية عنها ياليت يفيدنا
وإن شاء الله جالسين في بيرث 3 أيام .. وبعها بنطلع على بريزبين .. ونقعد فيها يوم واحد بس .. وبعدها بنطلع إلى القولد كوست إن شاء الله وبنقعد فيها 6 أيام وإن شاء الله بنواصل المسير بعدها إلى سدني وبنقعد فيها إن شاء الله 4 أيام .. وآخر محطة في استراليا هي ملبورن .. وبنقعد فيها 3 ايام
وبعد الجولة الشيقة في استراليا .. نقلع إن شاء الله من مطار ملبورن الدولي إلى هونج كونج .. وبنقعد فيها ليلة .. وبعدها نواصل رحلتنا عائدين إلى الوطن ..
وبيكون وصولنا للوطن في تاريخ 20 FEB الفجر ان شاء الله ..
ولا تبخلون علينا بمقترحاتكم ..
أما الموضوع الثاني .. فوين نروح يا جماعة ؟؟
إذا كان في أماكن تشوفونها تصلح لشباب .. ياليت تعلمونا ..
وشاكر لكم قرائتكم للموضوع ..
أخوكم : مجوال
بس بسالك سؤال مو انت الي لك فترة مسافر كندا رايح تدرس لغة ولا انا غلطان
تحياتي لك