1. ادري تعبتكم معي .. تحملوني شوي بليز : $

السلام عليكم ورحمة الله و بركانه ..
يسعد صباحكم / مساءكم ..
عندي كم استفسار اتمنى منكم تساعدوني : $
اول حاجه سفرتنا ان شاء الله بعد اسبوع احنا 5 اشخاص انا و ماما وبابا و2 من اخواتي وما معانا اطفال
مدة اقامتنا تقريبا بتكون 15 يوم
راح نقضيها في لندن ومانشستر وكمان ودي نروح لمنطقة البحيرات بس ما اعرف كيف النظام هناك
المهم .. انا ابغى اعرف كيف يكون التنقل او بإيش ابدأ بمناشستر او البحيرات بعدين نرجع لندن؟
فيه منطقة قريبة من لندن اسمها ريدينغ على ما اظن تنصحوني اسكن فيها بدل لندن ويكون التنقل بالقطار ل لندن
خصوصا ان لندن هالايام زحمة مرره
واذا ممكن برنامج سياحي لهالمناطق نبغى نزور ابرز الاماكن في لندن مثل لندن اي و خط قرينتش و قصر بيكنقهام و اكيد شوارع التسوق والحدائق والمتاحف بس نبغى نزور متحف الشمع ..

ادري تعبتكم معي .. تحملوني شوي بليز : $

بالنسبة لشراء التذاكر حقت المعالم السياحة زي لندن آي ومتحف الشمع انا سمعت انو فيه مكان يبيع تذاكر لمجموعة في الاكسفورد ستريت بس ما اعرف وين المكان بالضبط لأن برضو يقولون مره زحمة عند طابور متحف الشمع .. ؟
وكمان السكن هناك احنا كلمنا كم مكتب بس اغلبهم قالو ما عندنا حجز لما تجي انت و حظك !! و حجزنا شقة بس سعرها مرتفع والمشكلة احنا ما ندري عن مستوى نظافتها وكذا
وكمان انا لو بجلس في لندن اسبوع ايش الافضل آحذ البطاقة الاسبوعية او التذاكر اليومية؟
اخر حاجه لو احد يعرف مراكز اوت لندن في لندن او قريبة منها لان كل اللي سمعت عنها تكون بعيدة عن لندن
عارفه انو كثرت عليكم الاسألة .. بس شسوي اول مره ازور لندن .. اعذروني ..
و ترى عادي مو لازم تجاوبون على كل الاسألة جاوبو على اللي يعجبكم : $
و شكرا مقدما