1. مخرج أخير (ماله داعي للمشغولين)

يسعد لي
صباحكم / مسائكم
بالخيرات والأنوار
بدون مقدمات
ندخل في صلب الموضوع ياحبايبي
فرفرت ولفلفت داخل أغلب حواري المنتدى ادور عن مواضيع الفييري (العبارات) عشان اشوف تجارب الاعضاء فيها لكن ماحصلت غير مواضيع تشرح طريقة الحجز
من النت (وهنا نكبتنا) لان الثقافة اللي عندنا المانية والفيزا اللي معنا ماتسمح بالحجز من خلالها الا بمبلغ يطوف العشرة الاف وانت ماشي .
يعني بالعربي
مامعنا الا نحجز من ماليزيا نفسها فالاسئلة ال اللي تتسدح بعمرها هنا هي:
1/وين الموقع اللي اقدر احجز من خلاله على لنكاوي في بينانغ و هل فيه رحلات الصباح بدري 8 مثلا وهل برضو فيه اشكالية لو حجزت قبل الرحلة بيوم؟
2/ سمعت(والله العالم) ان الرحلات فيها تسبب دوخه وتنتج عنها امور الله لايوريكم فهل هذا الكلام صحيح (دلوني تكفون هاذي اول رحلة خارجية مع المدام وطفلي وابي اصير بطل قدامهم ماابي اتوهق في العبارة و توضح علي الاعراض قدامهم )
3/برضو سمعت بطيران الفير فلاي ابي فكرة عنه واذا تقدرون دلوني على مواقعهم في بينانغ الظاهر انه مناسب اكثر من العبارة؟ولا وش رايكم.

مخرج أخير (ماله داعي للمشغولين)

شييكت على موقع طيران اير اسيا (للتفرج فقط) وحصلت في تاريخ 26/9 اسعار ومشطبين عليها وتحتها اسعار اقل يمكن عروض(بس مافهمت شيء الثقافة المانية زي ماعلمتكم) ف اللي عنده وقت وخبرة بالموقع يشيك عليهم ويعطينا الخبر الاكيد لان اذا فيه عروض الظاهر بنشد الحيل وندور على واحد معه فيزا ويفزع لنا .... برضو لاتنسون تحديد المكان اللي نحجز عليه لكوالا من لنكاوي عبر اير اسيا اذا ماحصلنا فيزا
والله لايهينكم
(اللهم اسعد من يشارك في هذا الموضوع
وفرج همه وارزقه من حيث لايحتسب واجعل الجنة مثواه ومقره ياارحم الراحمين)