هلا عزيزي
عندك ببانكوك مجمع (mbk) او السوق الليلي ( بات بونغ )
وتقدر تستقل تكسي او تك تك وهم يدلونك هالاماكن
وفيهم بضايع اعتقد بتعجبك على الآخر
بس من ناحيه الكوبي ون فأنصحك انك تروح على طول المجمع بس اسعاره غاليهً نوعاً ما
بالتوفيق لك ان شاء الله
والله يردك بالسلامه
تحياتي

الاسواق المناسبة للشراء هي :

• مجمع ام بي كي
• محلات منطقة العرب ( نانا)
• اسواق و محلات منطقة باتونام

بالنسبه لسفاري وورلد سعر التذكره شامله التوصيل و الرجعة للفندق 900 بات بدون وجبة الغذاء
عالم المحيط ما قد رحت له ، من رايي عيش التجربه و شوف يمكن تعجبك اذا كان عندك فراغ
ترد بالف سلامة ان شاءالله """

مشكورين اخواني ع سرعه الرد والاستجابه
اخوي حسن بالنسبة لسفاري انت تقول 900شامله التوصيل من والى الفندق طيب معاي سواق خاص كيف الطريقه

فووضووي
اوكي ما عندك مشكله فقط عليك تعرف برامج العرض متى؟ و تنظم وقتك على شان توصل مع بدء العرض ، اما عن سعر الدخول ما اعرف كم بالتحديد ، لان هم يعطون اسعار خاصة للشركات السياحية اما الفرادي اكيد سعر التذكره اغلى على العموم ممكن اسرح السائق و تطلع عن طريق المكاتب السياحية افضل لك

يا أخوي إذا تروح على مكاتب السياحة أفضل لك، لأنهم بياخذونك من الفندق وبيودونك هناك وبيكون معاكم مندوب من الشركة يرشدكم هناك، لأن سفاري جداً كبيرة وفيها أكثر من 5 عروض منها عرض القرود وعرض الدلافين وعرض الكوبوي وعرض جميس بوند وغيرها، وهذه تكون ورى بعض تخلص من واحد وتروح حق الثاني بس المشكلة إذا كنت بروحك راح تتوهق ما راح تعرف أي عرض الأول وأي عرض الثاني وأي عرض الثالث .. الخ، المرشد السياحي أهو اللي يوديك إلى كان العرض ويقعد ينتظرك برع لين ما يخلص العرض ويتفق أن بعد ما ينتهي العرض أنه يتلاقى معاك في هذا المكان وما راح تتعب، وغذا طلب منك أنك تبي رحلة النهر وتزيد 200 بات للشخص قوله نعم لأنها رحله ممتعه وعجيبه بصراحة أحلى شيء في سفاري.
وبخصوص عالم المحيط
يوجد بالطابق السفلي من مجمع سيام باراغون (Siam Paragon)، ومواعيد الزيارة من 9ص-9م.
سعر الدخول للكبار:990 بات بكل الفعاليات من ركوب القارب الزجاجي وعمل مساج القدم بالأسماك الصغيرة ومشروب مجاني مع بوب كورن وسينما رباعية الأبعاد التي أحببناها جداً جداً جداً.
أو 900 بات بدون هذه الفعاليات فقط مشاهدة الأحياء المائية.
والأطفال 790 بات بكل الفعاليات و700 بات بدون الفعاليات.

مشكورين اخواني
طيب انا الان في فندق نوفيتيل سيام اقرب مكتب اروح له وين او عطوني اسم مكتب اروح له لاهنتو

الشباب ما قصروا ،،
بالنسبة للساعات التقليد هناك في شارع العرب "سوكموفيت سوي 3 " يوجد مجمع اسمه نانا سكوير حسب ما اذكر روح الطابق الثاني فوق راح تلقى محل في الزاوية يبيع بضاعة عادية مثلا شنط سفر وغيره ادخل المحل وقولهم تبي ساعات كوبي وراح يدخلونك المخزن ويعرضون علي ساعات نسائية ورجالية واسعار حلوة ،، اهم شي تكاسر مثلا النسائي خذها ب 800 او 1000 بات اما الرجالي حاول لا تدفع اكثر من 1400 بات ،،

اخوي فووضووي ممكن تعطينا معلومات عن الطقس والفيضانات
تحياتي

الجوو مره حلو اليوم توي قبل اجي سمعت ان فيه فيضانات بس ماشفت شي بس مظر خفيف وجو جميل
اخوي ولد البحرين وين احصل مكتب السياحي عشان اروح احجز لسفاري