دموع القمر
30-05-2022 - 08:26 pm
السلام عليكم
انا الان في تركيا وصلت يوم الأربعاء 67 الساعة 2 الفجر
الجو في اسطنبول حلو مره
سكنت في منطقة سيركيك فندق اسكوك هوتيل
المنطقة نشطة قريبة من الجامع الأزرق وايا صوفيا وقصر توب كابي
ومنطقة اميناينو
الأسعار بالنسبة للمأكولات غالية :112:
استخدام المترو والترام مره واضح وممتع ومنها تتفرج على مناطق اكثر وبوقت اسرع
اهم شيء اللي بيجي يجيب معه دولارات او يورو او ليره لان غير العملات هذي مايقبلون حتى في المطار
وصار لي موقف اقولكم عليه بعدين في تقريري المصور إن شاءالله
الشعب التركي حبوب ويحاول يخدمك قدر المستطاع
انا الان في يلوا تحديدا في قرية جوق جدرا الجو رائع والطبيعه جنان
النهار مره طويل الفجر يأذن اربع ونص والمغرب يأذن تسع إلا ربع
توقيتهم نفس توقيتنا بالضبط
قبل ماراوح قريت ان منطقة السلطان احمد و سيركيك في الليل تصير هاديه لكن هذا غير صحيح
انا ساكنه في سيركيك يأذن العشاء الساعة 10 والناس رايحه جايه والمحلات فاتحه
انتبه لايغشونكم المطاعم كذا مره صارت معنا ولما اراجع الحساب يقولون معليش غلطانيين في حساب الخدمة
إذابتطلع يلوا او بورصه يوم السبت او الاحد خذ حسابك وقص التذكرة من الميناء قبل لان التذاكر بسرعه تخلص
وصارت معي بس الحمدلله لحقت على تذكرتين في ميناء ثاني قبل لاتخلص
الأربعاء انا طالعه لطرابزون ست ايام إن شاءالله
النت عندي ضعيف احاول ادخل الليل إذا اتصل معي
اي استفسار انا حاضره وراح احاول اجاوب قدر المستطاع
بس شوي شوي علي
وإذا فيه أماكن تستحق الزيارة .. خبرينا .. الله يوفقك ..
( مالك )