مهندس تخطيط
27-09-2022 - 02:27 pm
صبحكم الله بالخير جميعا
نبي مساعدتكم وأرجو أن لا تبخلون
اخوكم مبتعث لدوره عمل لمدة 12 يوم في ماليزيا , كوالا لمبور من تاريخ 28 / أبريل .
مكان الدورة في فندق JW Marriot Hotel Kuala Lumpur
أول طلب سلمكم الله هو :
حصلت أرخص حجر في نفس الفندق (لشخص واحد) هو تقريبا 129 $ , شلون الفندق يستاهل ؟ أدري إنه خمس نجوم ؟ بس قصدي هل هو مميز عن الخمس نجوم الثانيين ؟ فيه مجال أحصل أرخص من هالسعر في نفس الفندق ؟
إذا حبيت أسكن بفندق خمس نجوم و يكون قريب (مسافة خمس دقائق مشي ) من الجي دبليو ماريوت
شنو تنصحوني فيه ؟
بالعطل (يوم الجمعة العصر و يومي السبت والأحد) راح أكون فاضي , شتنصحوني فيه ؟ وين أروح ؟ وين أسكن ؟ وين أقضي وقتي ؟
هالأسئلة كلها سلمكم الله بس علشان أبرمج الرحلة والحجوزات .
تحياتي للجميع و يشرفني أن أكون عضو جديد بينكم
( مهندس تخطيط) أبو عبدالله
تم تغيير عنوان الموضوع من (( اليوم يومكم يا خبراء كوالا لمبور )) الى العنوان الحالي .. اتمنى التنبه الى هذه النقطة واختيار عناوين مناسبة لمحتوى الموضوع ..
الادارة
فنادق ماليزيا
الفندق يا عزيزي خدماته ممتازه ومعروف وسعره ممتاز بعد ويتميز بأنه على شارع العرب مباشرة هذا الشارع حيوي وعلى طول هيصه وفيه مجمع تجاري على الشارع ومحلات كوفي شوب .. وعلى طاري الكوفي شوب أنصحك بمحل أسمه ( كوفي بين ) وأطلب منه " أولتمت " إدمان .
وفي فندق قريب منه إسمه حالياً ملينيوم وسابقاً الريجنت وهو مقابل الماريوت ...
وأيام العطل ممكن تزور منطقة جنتنج تبعد ساعه وربع إلى ساعه ونصف عن كوالالمبور وممكن تزور فندق صن واي لا قون بسلانجور لأن فيه مدينة مائية رائعه ومجمع تجاري جميل وتبعد عن كوالالمبور 25 دقيقه تقريباً إلى نصف ساعة وباقي الأيام ممكن تقضي وقتك فيها بين البرجين وحديقة الحيوان والمجمعات التجارية والشلال ، وممكن تزور بعض المواضيع المميزة لأعضاء المنتدى وتشوف فيها أبرز الأماكن السياحية في كوالالمبور ...
تروح وترجع بالسلامة