مشعل الاحمد884
31-10-2022 - 07:45 am
السلام عليكم ورحمة الله وبركاته
اما بعد :
اطلعت على عدة تقارير حول اميركا وبصراحه هالتقارير تجذبني اكثر ل امريكا من اوربا
نحن خمس اشخاص الوالد والوالده وثلاث شباب بالغين
نرغب بالسفر الى اميركا وخط السير بالنسبه للخطوط السعوديه اكيد راح يكون على نيويورك
الي حاب اوصله لكم انه حنا دايم نروح لبنان ولندن ويعجبنا بهالبلدين كثرة القهاوي و وجود العرب فيها ونحب (اللمه) زي القهاوي الي بالنايسبردج وعند هارودز بلندن او مثل قهاوي السلدير
طبعاث امريكا ماينقصها هالشي ولكن وش تقترحون علي خط السير
لان المده الزمنيه راح تكون من 20 يوم واكثر او ثلاث اسابيع
وايش تفضلون نيويورك بالبدايه او بنهاية الرحله و وش الاماكن الي نجيها والسكن والتنقلات ولعددنا يفضل فندق والا شقق فندقيه لاننا نواين نخطط من هالحين وابي اشوف باريس والا امريكا
بصراحه ودي امريكا لان اوربا غاليه كثير ومصروفها اكثر رغم اني اعرف لها
وللعلم لغتنا الانقليزيه ضعيفه نوعاً ما ولكن نمشي ارواحنا
وكيف الاكل بالنسبه للحوم اوالحمراء لان الي معي كبار بالسن ومو اي اكل يتقبلونه
اتمنى وصلت المعلومه لكم واذا فيه استفسار انا حاضر
خط السير المقترح : لازم تطلع على التقارير وتشوف المناسب لكم https://artravelers.com/p/re/687479 .... اذا بالصيف فالجو حار ورطب فى فلوريدا و ممتاز فى كاليفورنيا.....
لازم طبعا ايجار سيارة فى امريكا.....