الحســـــين
11-02-2022 - 06:45 am
تحياتي على الهواء مباشرة من الإسكندرية والساعة الآن الثانية صباحاً حسب التوقيت الصيفي.
ورغم ان التوقيت صيفي إلا إن "الشتا بيدق البيبان" تاني ومتأخر أوي!
امبارح (أمس) هطلت على الإسكندرية أمطار غزيرة على غير العادة في الوقت ده من السنة ورغم الموجة الحارة اللي استمرت حوالي أسبوع.
أما النهاردة (اليوم) فالأمطار قاعدة تهطل على اسكندرية لمدة لا تقل عن 5 ساعات بدون انقطاع، ومش أمطار عادية، لا دي أمطار غزيرة وثقيلة ومستمرة مع شوية مؤثرات صوتية وضوئية طبعاً (رعد وبرق) من اللي قلبك يحبهم لزوم الإثارة.
المشكلة الأكبر ان اسكندرية اليومين دول (من حوالي 6 شهور تحديداً) بتعيش مرحلة حساسة من تجديد البنية الأساسية يعني معظم الشوارع فيها أعمال حفر وإصلاح.
على فكرة كل اللي فات ده احنا متعودين عليه، صحيح المرة دي شتا جامد ومش في معاده خالص لكن برضه تفضل اسكندرية عروسة في الشتا وأجمل بكتير من الصيف.
عندي مجموعة صور جميلة لاسكندرية في الشتا أتمنى تعجبكم (مش من تصويري):
