يا رب القى رد

عليكم السلام
مبروك الزواج مقدما
الرد تلاقاه اسفل توقيعى
" رسوم دخول منتزهات و حدائق ماليزيا - اوقات الدوام " اشهر المعالم و الحدائق و الملاهى السياحية لمناطق ماليزيا
نصيحة : انت عريس ... رتب برامجك رحلتك ما يتناسب من وقتك يعنى لا ترهق نفسك بكثرة الجولات السياحية
اتمنى رحلة سعيدة

عليكم السلام ورحمة الله وبركاته
شوف الرابط وموجود فيه جميع المواقع و الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه وسوق البيراميد هذي أهم مافي سيلانقور
ولو عندك وقت ممكن تمر الماينز ويندر لاند مع انها عاديه وممكن بعد تزور مدينة الأضواء
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها ولكن ممكن تعجبك فيها عروض كابوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
وهذا الرابط فيه كل ماتبي وزود
https://artravelers.com/p/re/452938

ولا تنسى الخريطه تاخذها في كل فندق راح تلاقي الكثير

تلقاها مفصله في موضوعي في التوقيع

بصراحة طلعت أصلي ورجعت ولقيت ردود تثلج الصدر
الله يجزاكم خير على تعاونكم الدائم
وان شاء الله لين جيت أحط التقرير ، راح اذكر اسم كل شخص ساعدني وعاونني
الله يبيض وجهكم

مر على تقريري ( رحلتي الي ماليزيا )
صور و فيديوو الاماكن السياحية لحق ضبط نفسك فيهم قبل السفرة
و ان شاء الله يعجبوونك