السلام عليكم
السعر بالتاكسي الأسود تقريبا 50 جنيه ويمكن يزيد إذا زحمة و الأفضل تاخذ تاكسي عادي من المطار .... فيه قبل الخروج من الصاله مكتب تكاسي السعر فيه محدد إلى لندن ستي سنتر ...... تقريبا 40 جنيه و ما يزيد و لا يقل حتى إذا طحت في الزحمة...
الأندرجراند السريع ياخذك من المطار إلى الستي ب 15 جنيه للشخص البالغ و ما أعرف الصغار كم و بعدين من محطة القطار إلى الكمبرلاند 5 دقايق بالتاكسي يعني 10 جنيهات..... فالسالفة تسوى إذا بروحك أما مع العائلة فخذ تاكسي
إذا تبي توفير فيه باصات تاخذك من المطار على الستي بس ما أنصح مع العائلة لأنه متعب بعد سفرة طويلة اليهال بيطيحون في كبدك
تحياتي

مشكور يالطيب وما قصرت بس شو الفرق بين التاكسي الأسود والتاكسي العادي ؟ وهل مكتب التاكسي الموجود في المطار ممكن يوصلني للكمبرلاند ولا فقط السيتي سنتر ؟

الله يحييك أخي
التاكسي الأسود المعروف مال لندن و اللي تشوفه بالأفلام يتأجر عند باب المطار أما تاكسي عادي تكون من السيارات العادية يعني الستيشن أو الصالون...........
الثاني أبو السعر المحدد يتأجر داخل المطار في صالة الوصول بعد ما تخلص من الجمارك بالشنط و قبل ما تطلع من الباب دور على كونتر محلات أجار السيارات و الفنادق و من ضمنهم راح تلاقي التكاسي.............
الكمبرلاند في الستي سنتر (مركز المدينة التجاري) وهو ما يتسمى بالستي سنتر هناك عندهم بس أنا سميته كذا إختصارا فسامحني إذا خربطتك ........... والتاكسي يوصلك للسنتر بنفس السعر لأي فندق في المنطقة و منها الكمبرلاند ............
تحياتي

مشكور وماقصرت أخوي ( درجة اعمال ) وبصراحه أخجلتني بتعاونك .. مشكور مرة ثانية ..

و لو لا تقول هالكلام أخ عزيز و على الراس والعين
أنت أسأل بس و لا يردك إلا أصابيعك على الكيبورد...........

الاخ ماجلان اسعار التاكسي الاسود جدا غاليه توصل الى 80باوند لان على كل شخص وشنطه قيمه محدده لا اعرف بالضبط قيمتها ومن الافضل لك تكلم على ميني كاب يستقبلك عند بوابة الوصول ويكون معه لوحه مكتوب فيها اسمك وسعره من المطار الى الكمبر لاندلا يتجاوز 32باوند+5للموقف

ماجلان اول ما تطلع من المطار روح حق مكتب الانفورميشن دسك وقولهم ابي ارقام تكاسي تعطيك كذا رقم لشركه تكاسي وبعدها دق عليهم تلفون وسعرهم 35باوند سياره نوع فان الى سنترال لندن .... اللي اهو المكان اللي تبيه ... ولا تقدر تكاسرهم
اذا اتفقت وياهم يقولولك انطرهم بالخارج ورقم لوحه السياره اللي تبي تجيك ونوعها ولونها انا مجربها الاسبوع اللي طاف