كلامك صحيح انا رحت له العام وكانت اسعاره غاليه حيل والجوده مو ذاك الزود يعني تقليد درجه اخيره

1. مرحبا اختي الغاليه p!nk zone

السلام عليكم ...
أنا متواجدة حاليا في بانكوك ... صارلي 3 أيام ... وزرت الام بي كي ... من سنتين اشتريت كمية شنط غير عادية .. والأسعار كانت حلوة ومعقوولة وأرخص عن الامارات ...
بس هالمرة أشووف الأسعاار خيالية
يعني شنطة عادية يبدأ سعرها ب 3000 بات أقل شي !!!! وفي شنط تبدأ ب 6000 بات .... شو فرقت عن الأصلية ؟؟؟؟؟
ليش هالأسعار الخياالية ...
والله دبي أرخص !!!!
بليز حد يساعدني .. من ويين ممكن أحصل شنط حلوة وماركات وأسعار معقولة ...
لا تتأخروون علي لو سمحتو ...
تحياتي

مرحبا اختي الغاليه p!nk zone

صحيح بالنسبه لاسعار الشنط صارت غاليه اذكر اخر سفره رحت لها كانت مع الاهل لاحضنا ارتفاع اسعار الشنط وهي ذات المراكات العالميه المقلده.
والغريب في الامر ان الحرمه اشترت شنطه بسعر 5000 بات ولما ذهبنا الى سوق الاحد (سندي ماركت) لقينا مثلها بالضبط ما في فرق ابد وبسعر 900 بات وكاسرناهم لين وصلنا الى 600 بات وفي النهايه اخذناها ولكن لون ثاني ظلت الحرمه تمشي وتحسبها وتقول انضحك علينا في
الام بي كي سوالف
للاسف مراكز التسوق اغلب البضائع اسعارهم ثابته وبعض المحلات صعب تكاسرهم بالسعر
الحل :
عندك النيت ماركت + سندي ماركت + بعض المحلات ال في نانا
واذا رجعتي دبي شي محل يبيع شنط ماركات وسوع واقلام وبزم مقلده احسن من ال في تايلاند واسعارهم جيده .
المكان ديره مركز وربه .
تحياتي لكم
اخوكم بوخالد

الاسعار هالسنه وايد غاليه ... وهذا شي ملحوظ ... موبس على الجنط ...
حتى المطاعم و البسطات ... وزمان المكاسر بدى يروح ... كل واحد متمسك بالسعر
اللي حاطه ... اذكر ب 2007 شفت جنطه وكان سعرها 6000 بات
ومو داشه خاطري وايد ... بس سالت عن سعرها .... والله انها اوصلت معاي ليه
الشارع وتقول كم تبين فيها .... اخر سعر استقرت عليه 500 بات
وهالسنه ... نفنوف بنات ( فستان ) لعمر سنتين ... قطن عادي مافيه زود
قال 1500 بات .... قتله 600 بات ... رد علي ... باي باي مدام
يعني ماقام يهمهم انهم يبيعون .... الا بالسعر اللي يبونه
طولت عليك بالحجي / جربي تروحين النايت بازار - سوق الاحد باكر واليوم
وترى فاتح من الصبح ويسكر 6 المغرب

روح غناتي
مشكور اخووي بو خالد .. انشالله باجر بسير سوق الأحد ... وبالنسبة لمركز وربة والله ما سمعت عنه .. بس أكييد بزووره ...

في محل في الطابق الثالث او الثاني يبيع الشنط على 1900 , بس الجوده ممتازه جداً , وما اذكر اسمه

ام بي كي من المراكز اللي يفضلها العرب ولهم زبائن ، من أجل ذلك تجدون غلاء الأسعار
ومن خلال تجربتي في ام بي كي ، حيث كنت هناك منذ اسبوع وكل يوم كنت اتسوق منه ، اكتشفت
ان المحلات في الطابق الأرضي أغلى ، وهناك محلات في الطابق الثاني والثالث مثلاً اسعارها أرخص
وخاصة الملابس ، حيث انني اشتريت ملابس بأسعار رخيصة جدا
وبالتوفيق

نفس اللي عانيته
لفيت كل الطوابق في الام بي كي وما استفدت ما اشتريت شي يعني كثرة محلات من غير بركه واسعارهم غاليه
احلى شي البسطات اقعد اكاسر فيهم واذا ما عجبني السعر وقالي كم السعر اللي تبيه احط السعر اللي في راسي واذا ما عجبه اروح واخليه ويلحقني خ والله وناسه وعندنا بالديره ينصبون علينا التجار :112:
شكرا

والله ياجماعه ومن وجه نظري المتواضعه تقليد الماركات في تايلاند ماينفع ابدا ولا اقتنعت في معظم المحلات الى في بانكوك على كثر زيارتي لها يعني لا المحلات الي في نانا ولا الاسواق الليليه ولا ام بي كي واذا اقتنعت في شنطه وحده تحصل سعرها يكون خيالي ويوصل احيانا الى 1000 درهم يعني زيد شوي وخذ الاصليه وانا اقولكم السبب وليش ماقتنعت.
السبب اني زرت الصين وبالتحديد كوانزو وعرفت معنا التقليد على اصول ومافي وجه مقارنه لا في الاسعار ولا في الجوده بينها وبين تايلاند واخر مره زرت فيها الصين ذهبت فيها سوق تقليد الساعات وكنت في محل من المحلات اشتري ساعات شفت بوكس كبير خاص بالشحن متروس ساعات سألت صاحبه المحل عن البوكس وافادتني انهم بيرسلونه بواسطة الشحن إلي تايلاند بعدها استأذنت صاحبه المحل وطلبت منها اشوف بعض الساعات الموجوده في البوكس وبعد ماشفت الساعات لاحظت انها رديئه بنسبه للي معروض في المحل وسألتها عن السبب وافادتني بان اغلب التايلانديين يطلبون الانواع الرديئة لانها تمشي في تايلاند ويستفيدون منها اكثر وعلى طول جو في بالي قوم فريده علي وربعها الي مستغلين العرب وكل واحد منهم رافع خشمه مادري على شو وتدرون ياخوان قبل اقل من شهر كنت موجود في بانكوك وزرت جميع محلات التقليد الي في منطقه العرب وماقتنعت بشي ابدا وفعلاً اسعارهم خياليه وبضاعتهم رديئه هذا كله بسببنا نحن العرب امبطرينهم ومخلينهم يلعبون علينا.
وللمعلوميه اغلب محلات التقليد الي في تايلاند تستورد بضاعتها من الصين وتكون الانواع الرديئه
وسموحه منكم اخواني هاذي وجهة نظر واكيد في حد يأيدني الراي

اي ويالله ياو على التقليد اييب الحساسيه انا جذي احس اذابشتري ساعه تقليد قلت حق النمر بشتري ساعات من بتايا عجبوني قال لج لألألأ لانج ماراح تلبسينهم بتقولين حساسيه وماراح تكونيين مطمنه اخذهم وان ردينا نشتري الاصلي واي نعم ما صدقت وصلت وعلى طول شريت الاصلي ولبست وانا مطمنة ومرتااحه ياحلالالات الاصلي بيدي