ملكة الزهور
06-09-2022 - 02:20 pm
السلام عليكم
بعد البحث والاطلاع ودوخة الراس استقرينا على خط مبدائ لرحلتنا واتمنى تعطونى رايكم جزاكم الله الف خير
رحلتنا باذن الله 19 يوم الثلاثاء الساعة عشر ونص على القطرية
دمام -باريس والعودة 29 يوم الجمعة باريس -دمام
حاليا راح اغير خط سير الرحلة واطلع دمام -- جنيف يوم واحد
واطلع انترلكن ثلاث ليالي وبعدها باريس خمس ليالي والعودة تكون
باريس -دمام
وعندى كذا استفسار لو سمحتوا
1- ايش رايكم في خط السير ما زالت تذاكرنا دمام- باريس والعكس ابي رايكم قبل ما اغير الحجز
ويش افضل جنيف انترلكن - باريس
او نروح انترلكن قبل جنيف ومن جنيف الى باريس احس المسافة اقل كذا
وان شاء الله بنستاجر سيارة من جنيف وبنسلمها في باريس
او الافضل نروح بالقطار ونستخدم السيارة فقط في جنيف وانترلكن ؟
والنقطة المهمة الحين
حجزت في باريس فندقين والاثنين مش مقتنعة فيهم وبالنسبة لي السكن مهم جدا والله تنقلب السفرة زعل ونكد
الفندق الاول لمدة ثلاث ليالي
Renaissance Paris Arc De Triomphe Hotel
هل الفندق قريب من الشانز يبعد مسافة 600 مترهذه المسافة الى بداية
الشانز او توصل الى 1000 علشان اوصل الشانز
الفندق الثانى لمدة ثلاث ليالي
سوفتيل الادفانس
احس فكرة غبية حجز فندقين خاصة بعد ما قلصنا الليالي من ست الى
خمس
الحين ابي رايكم في فندق واحد مابي اضيع وقت على التشيك اوت
واخربط يومى
السوفتيل نوعا ما مقتنعة فيه بس ما اعرف عن الخدمات الا جنبه وما
وما قدرت اوصل له بقوقل ايرث
هل جنبه خدمات مثل السوبر ماركت ومطعم وهيك اشياء
او المنطقة ميتة مافيه حياة انا احب المكان الهادئ بحدود
اي فندق اختار واذا فيه خيارات ثانية بعد اعطونى
ابي اخلص اليوم حجز الفنادق علشان اتفرغ الى الهم الاكبر تخطيط الرحلة
وهم المترو
بعد سؤال ثانى ادرى قرقرت واجد
الفيزا ان شاء الله بناخذها من الفرنسية فيه مشكلة نروح اول سوسيرا
وبعدها باريس
والشكر الى جميع من في المنتدى الرائع من مشرفين واعضاء
سوفتيل كويس صراحه وناس تمدح وتقول بالمنطقه مطعم عربي قريب من شقق فريزر بس بالاخير مش افضل من هذا Renaissance Paris Arc De Triomphe Hotel
طبعا الجمع بين سويسرا وفرنسا حلو
متي بيكون وصولكم جنيف
ايش وسيله المواصلات في سويسرا
5 ليالي باريس حلوه صراحه منها يوم في ديزني لاند