هلا فيك معانا ..
اختيارتك للفنادق يعتبر الافضل بجميع المدن ... اختيار ممتاز ارش لك اول 3 فنادق في زيلامسي من القائمه التاليه

اولا فترة السفر غير مناسبه كون الوقت نزول ثلوج والاجواء بارده جدا .. والفعاليات بالغالب مقفله ..
ثانيا مدة سفرك قليله لهذا صعب جمع ما ذكرت .. ممكن تكتفي بفينا سالزبورخ ميونخ ..
برأيي نعم القياده صعبه ... ممكن تكون حتى الفعاليات الشتويه لم تبدأ .. بسبب نزول الثلوج بهذي الفتره ..
واخيرا انصحكم بتأجيل السفر الى موسم الصيف
تحياتي

اكتب لك الان من سالزبورغ
ماريوت فيينا سكنت فيه ثلاث ليالي وكان الفندق ممتاز وموقعه حلو بجانب الحديقه الرئيسيه شتاد بارك ومو بعيد عن الداون تاون او الشارع الرئيسي
زيلامسي سكنت في فندق جراند هوتيل . موقع ممتاز ومنظر روعه وتعامل جيد
بالنسبه لسالزبورغ انا الان في الشيراتون وبصراحه بعيد عن الستي سنتر . ساخر هوتيل موقعه حلو لكن ما اعرف عن تفاصيله وكنت ادور على حجز هناك بس للاسف ماحصلت

هلا وغلا فيك ومبروك الزواج مقدما
بالنسبة الى الفنادق اللي اخترتهم بفينا وسالزبورغ ماعليهم كلام توكل على الله
واما في زلامسي فعليك بقراند ولا غيره

الف الف مبروك والله يجمع بينكم على خير ويرزقكم الذريه الصالحه حسنت الخلق والأخلاق
زيلامسي :
اما فندق القراند مطل على البحيره مباشره
أو فندق سي فيلا انتبه وليس سي هوتيل أيضا مطل على البحيره ولكنه أرخص من فندق القراند
ميونيخ :
فندق الميريديان يصلح للخليجيين وموقعه قريب من السنتر
والفندق في فيينا ممتاز جدا ( الماريوت )
وفي سالزبورغ يوجد فندق أسمه كراون بلازا ممتاز وأرخص من فندق ساخر

ali_q8_77
يعطيك العافية مشرفنا والله يجزاك خير على ماتقدمه
والله يابعدي الصراحة احترت وين اسافر ادري وقت الزواج صعب جداً ب 20 نوفمبر وكل شي غير مناسب ماعدى شرق آسيا ولكن بحكم دراستي بأستراليا فضلت السفر الى اوروبا او موريشيوس
بحكم اني اعيش بأستراليا ولدي الوقت للنزهة بها وكذلك شرق آسيا يكون قريب وعلى الطريق عند الذهاب والعودة وأستطيع المرور وقضاء الوقت بأكثر من دولة ..
كانت الوجهة سابقاً موريشيوس ولكن خفت من رطوبة الجو وكذلك عدم وجود فعاليات تليق بشهر العسل وعدم وجود اسواق .. وحولت الوجهة للنمسا والمانيا ونتحمل البرد الشكوى لله ..
بالنسبة للبرنامج اختصرت الطريق الى اربع مدن فيينا وسالزبورغ وزيلامسي وميونيخ الألمانية ..
القيادة ربك يسهلها نحاول وا كانت صعبة فرصة نجرب المواصلات العامة او سائق خاص ..
تأجيل السفر صعبة جداً .. تعرف كشهر عسل لازم تقضيه .. بأي مكان لأنه سيحتفظ بالذكرى ..
شكراً لك مشرفنا على مساعدتك ..

dr.mohamed
اتمنى لك فترة سعيدة بأجازتك والله يسهل امرك ..
حلو شجعتني على الماريوت
جراند سمعت الكثير عنه ربما يكون هو الأختيار الأنسب ..
الشيراتون بسالزبورغ له شعبية كبيرة بالمنتدى لا اعلم مالسبب وهو بعيد عن الستي سنتر ..
شاكر لك تواصلك وترجع بالسلامة

ابو الريد
هلا فيك ياغالي والله يبارك بعمرك يارب ..
تأييد آخر لغراند نأخذ بالنصيحة شكراً لك يابعدي

ابو نزيه
الله يبارك بعمرك يارب ويجزاك خير..
ونسمع بنصيحتك ونقارن بين الفندقين رغم شعبية القراند
سأرى الميريديان بميونيخ و الكراون بسالزبورغ لخاطر عيونك ..
مشكور يابعدي ماقصرت ..

البرد راح يكون شديد ومافي شيء يستاهل تشوفه بهالتوقيت
اقصد لو كان في ديسمبر بنقول نتحمل البرد لأنه الاجواء بتكون حلوه ( ما اقصد بالاجواء الطقس )
اقصد الزينه اللي بالشوارع والمحلات والسنوو اللي ينزل بتكون تجربه حلوه وممتعه
حنا رحنا ب فبراير باريس ثلجنا
لكن يوم رحنا لها بشهر سبتمبر ما صدقنا انها هي كل شيء تغيير فيها
اذا نفسكم في اوروبا م اعتقد اسبانيا وايطاليا بتكون ادفى شوي !
والله يتمم لك على خير يارب