السلام عليكم ورحمة الله وبركاته اخواني واخواتي ابي مشورتكم بامر وجزاكم الله خير
انا وزوجتي واربعه من اولادي 12 , 10 , 9 , 3 سنوات ارغب بالذهاب الى لندن ومحتار
ارغب الذهاب في 9/8/2013 لمدة 16 يوم وارغب بالتخطيط مبكرا واستشارتكم
1/ هل اقيم كل الفترة 16 يوم بلندن او اخليها 12 يوم لندن + 4 ايام باريس
2/ فندق Hilton London Metropole غرفه غرفة عائلية سوبيريور
https://www.booking.com/hotel/gb/hilton-london-metropole.ar.html?aid=1300939 هل يعارضون 6 اشخاص انا وعائلتي والا عادي وهل الغرفه تكفي اشوفها كبيره هل تنصحوني بغيره
3/ هل احجز كل المده عن طريق بوكينق والا احجز ثلاث ايام وانزل ادور شقق قريبه بس وقتها عيد وزحمه اخاف مالقى
4/ كم المعيشه اليوميه في لندن اكل وشرب ومواصلات لعدد افراد اسرتي
طولت عليكم بس مالي غناة عنكم وشكرا
عليكم السلام ورحمة الله
حياك الله أخوي عادل وأن شاء الله أفيدك باللي أعرفه
المدة نوعا ما طويلة ، لكن اذا استغليتها صح وحطيت لك برنامج بتكون ممتازة خصوصا اذا فكرت بالمناطق القريبة من لندن ، كالريف والبحيرات ، أو المدن الأخرى اللي تبعد حوالي ساعتين بالقطار ، كالمناطق الساحلية ، برايتون وبورتسموث وبورمنث، واذا عندك القدرة انك تروح باريس ، بيكون أفضلبخصوص الفنادق ، انا من رايي أنك تشوف لك شقة قريبة من فندق هلتون ميتروبول ، وعلى حسب علمي انه في شقق كثيرة بهالشارع اللي شارع العرب ، وان شاء الله الأخوان يفيدونك أكثر بموضوع الشقق
بخصوص الأكل ، اذا حبيت فاست فود فراح يكون بمعدل 7 باوند للكبار والاطفال حول 4 أو 5 ، واذا حبيت مطاعم ايطالية وهندية وغيرها من المطاعم ، راح تكون مكلفة أكثر ، يمكن للشخص الواحد تكلف حوالي 25 إلى 30 باوند
بخصوص المواصلات ، انصحك وبشدة بالاندرقراوند والباصات وتاخذ بطاقة اسبوعية لهم لكل افراد الأسرة ، لآن تكاسي لندن العادية ما يرضى يشيل أكثر من 4 أشخاص لو شنو ما حاولت معاه
وثاني شي التكسي راح يكون مكلف جدا خصوصا أنك راح تقعد فترة طويلة
يفضل أنك تشوف لك شقة أو فندق قريب من الاكسفورد ستريت لأنه بتكون قريب من السوق ، وقريب من الهايد بارك ، وكثير من الأماكن اللي تقدر توصل لها مشي
واتمنى اكون فدتك بشي واسمح لي عالقصور