السلام عليكم ورحمة الله
اولا اقدم كل الشكر لزوجي العزيز
ولمنتدى العرب المسافرين الذي استفدت منه جدا في اتمام رحلتي
هذه اول سفره ليا لاوربا
وكان سير الرحله كالتالي
جده _ عمان(الاردن) _ روما
باريس _ عمان(الاردن) _ جده
جلسنا في روما اربعه ايام
وفنيسيا تلات ياام
وفرنسا يومين والثالث توجهنا الى انسي يومين والثالث رجعنا الى باريس ثلاث ايام
كل السفره اسبوعين تقريبا
بعد عيد الفطر السعيد كانت رحلتي العسليه السعيده
تم الوصول الساعه 3 العصر
وانهينا اجرائات السفر بس صار بربلم في وصول الشنط والطعنا شويات بالمطار مو شويات كثير :a8foi:
واحنا طالعين من المطار التمو علينا اصحاب التكاسي خ
وكانت الاقامه في روما في فندق
https://www.booking.com/hotel/it/albani-roma.html?aid=1300939
الفندق اربعه نجوم
نظيف ومنظم وراقي وهادي جدا
والفطور عندهم دلع وحلو
بس مو مره قريب من السنتر وضعنا كدا مره وصارت لنا مواقف
ودي اول صوره وانا في السياره رايحه الفندق
وصلنا الفندق يمكن على 6
التكسي الحرامي
تاني يوم صحينا على 9 تقريبا طلبنا الفطور في الغرفه
كان منوع وحلو واخذو خدمة غرف 5 يورو
نزلنا تحت عند الرسبشن وطلبت منهم رحله لكابري واعطونا القروبات السياحيه المتوفره لديهم وهما اتفقو معاهم يجونا الفندق بكره الصبح بدري وياخذونا
الشخص الواحد اعتقد ب 120 يورو او اقل شويه اذا ماخانتني الذاكره
اخذنا خريطه لروما من الفندق وحدد لنا الموظف موقع الفندق كأنو حاس اننا بنضيع :0jg2m:
وسالناه عن محطة التيرمني حددها بالخريطه كمان