- انا اسمي فيصل من قطر عمر 24 سنه
- احب اسفر وايد اغلب دول العربيه جيتها واوربا اغلبها واستراليا وامريكا
السلام عليكم شباب عساكم طيبين ان شاء الله
صراحه انا تابعت المنتدى وعجبني ووايد وما شاء الله عليكم خبره وسفراتكم حلوه وجوائكم احلى
والمسكله اني لقيته بعد جيتي من تايلند بس ان شاء الله بنستفيد منكم لسفرتي الجايه
اول شي حاب اعرفكم على نفسي
انا اسمي فيصل من قطر عمر 24 سنه
احب اسفر وايد اغلب دول العربيه جيتها واوربا اغلبها واستراليا وامريكا
ورايح هالمره وياي ربعي من الكويت ومن الامارات زملاء دراسه سابقاً ولا واحد فيهم راح لديره من قبل وانا اقنعتهم بالديره رغم اني ما فريتها عدل بس ان شاء الله بهمتكم ابيض الوجه وجيبلكم تقرير خطيير وعدتي كلها وياي الكيمراء والعدسات وشباب الطيبه والسلوب الزين ان شاء الله بنزلكم موضوع وافي بس ابيكم تفيدوني..
مجمعات حلوه .. اماكن جميله يجب زيارتها .. اماكن ترفيهيه .. مطاعم ياليت حد يضبطنا مطاعم بحريه الفضل
سفرتي لتايلند الاوله كانت بشهر 3 الي طاف بس احس الديره حلوه بس الاماكن الي يتها ماورتني تايلند كاني قاعد بدوله خليجيه بشرحلكم بالاول
- اول شيء انا جيت العاصمه بانكوك وسكنت بفندق بشارع العرب وماتعديت شارع العرب يعني حدي رحت مجمع واحد اضن اسمه ام بي كي على ماظن
- وبعدها بيومين رحت بتايا وماتعديت بعد شارع العرب الورك ستريت ورحت كم جزيره اجرت طراد يوم كامل ورحنا جزر بس ماعجبني الوضع
الي حاب اعرفه ياخواني الاعزاء وين الاماكن الترفيهيه الجميله بتايلند مو شرط شارع العرب والمطاعم العربيه ياليت الي عنده خبره بالديره يفيدنا عشان سفرتي قريبه وخاطري الفل الديره عدل
وخصوصاً الاماكن الشبابيه ((والمطاعم السي فود )) والي اكلها زين بانكوك وبتايا والاماكن الترفيهيه والجميله والي الواحد لازم يروحلها لا جاء لتايلند موشرط عرب انا زهقان منهم اروح تايلند بعد القاهم ههه
انا مسافر ثاني يوم عيد الاضحى والعوده 3-11-2012
والي يبي يخاوينا ياهلا ويامسهلا عين فراش وعين غطاء
الرجاء تفيدوني لني رايح ثاني مره لتايلند وادي ماخلي شيء بنفسي
حسب ما طرحتة للاجازة ما تتعدي اسبوع و اذا خصمنا يوم السفر و يوم للعودة ، يعني عندكم 5 ايام فعلي و هذة المدة قليلة لدولة تستحق اكثر من عشرة ايام الجلوس فيها .
ثانيا الرحلات الشبابية سواء البحرية او البرية يفضل زيارة جزيرة بوكت او كوه سوموي . بانكوك تصلح اكثر شئ للشوبينج و باتايا للسهر و السمر و لو ان هناك رحلات جميلة ببتايا ممكن تزورها .
الان شوف اذا في مجال تزودون الفترة او هذة المدة فقط؟ و هل مقتنع بزيارة بوكت ؟ عليشان نسوي لك جدول سياحي تستفيد منه باذن الله . كما نرجوا نوع الفنادق المطلوبة او تحديد الميزانية لاختيار الفنادق المناسبة لكم .
تقبل تحياتي و منتظرين ردكم """"