نشر في لندن

ماهي افضل الاماكن العائليه بلندن بعد الساعه 9 مساء

MYTRIP

14-12-2022 - 09:05 am

سؤالي الى اهل لندن حيث اني انا الان بلندن والاحظ بعد الساعه التاسعه تبدأ المدينه بالهدوء وبطبعنا نحن العرب نحب السهر على الأقل الى الساعه 12 ليلا ولم أجد مكان مناسب استطيع الجلوس به انا والعائله ..
ياريت اللي عنده خبر لايبخل علينا..!!

التعليقات (9)

ALI_Q8_77

14-12-2022 - 12:44 pm

انا اعرف مكان بس يمكن ما يعجبك البكديلي في مقاهي وفي مجمع التركيديرو كله العاب اطفال وكبار الى الساعه 11 مساء جرب اتروحله قبل الساعه 8 مساء اول يوم وشوف الوضع ..... ملاحظه لا يكون يوم سبت واحد مو حلو

طالب المشورة

14-12-2022 - 01:45 pm

انصحك بالعودة قبل الساعة العاشرة خصوصا اذا كنت مع العائلة

القطري

14-12-2022 - 02:46 pm

السلام عليكم
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
في العاده الخليجيين يقعدون في شارعين فليل ..
اما المطاعم الي في شارع ادجول رود او المطاعم في شارع برومبتون المقابل لهارودز ..
ودايماً ننصح العوايل يطلعون الصباح بدري عشان اول ماأيجي الليل ايكون الكل منهك ويرقدون كلهم
ولي تامر فيه احنا تحت امرك الغالي

ترف العذارى

14-12-2022 - 03:47 pm

مادري احنا متعودين نرجع قبل الليل ..,,
لانه خطر بصراحه ..,,

maay

14-12-2022 - 04:48 pm

الستر سكوير
طبعا تروح تتقهوى وتتفرج على الناس .. اما سالفه دواره هذي الي عجزت افهم وش يحسون فيه !!
قهاوي النايست برج
حلوه بس تسكر ابكر من الستر
الاجور رود ..
ابد ماحبه ! احسه شارع يخوف نسبيا وخوصوصا باليل

lovelygirl

14-12-2022 - 05:49 pm

هلا اخوي ..
جميس ستريت تقاطع الاكسفورد - الشارع اللي بين قاب الاطفال وبودي شوب ( بين ماربل آرش وبوند ستريت ستيشن)
حلو وفيه كافيهات ومطاعم تفتح لين الساعة 12 الليل ..
عندك مثلا مطعم لبناني حلو Massis ومطعم و كافيه عيوش ( مغربي ) نهاية الشارع .
اللإدجوار بصراحة كريه بالليل ..وجلساته يغلب عليها الطابع الشعبي ..كأنك في مصر

MYTRIP

14-12-2022 - 06:50 pm

كل الشكر لمن تفاعل مع الموضوع ويبدو من ردود الأخوان بأن لندن نهاريه، لذا قررت أكبر الوساده والوعد باريس بعد عشرة ايام..

أبــوعبدالله

14-12-2022 - 07:51 pm

mytrip
أخي الفاضل عن تجربتى فى لندن أنا صارلي شهر ونص بلندن نطلع من
الظهر إلى المغرب الساعه 9 مع العائله طبعا وبعد الصلاة المغرب زوجتي
تجيها زوجت رفيجى يقعدون بالشقه الى الساعه 11 وانا مع رفيجى نطلع نفتر

mzoon

14-12-2022 - 08:52 pm

لندن حلاتها الصباح تطلع بدري .. و نايم
خل السهر لباريس لو بغيت ..

لندن المسافرون العرب

ماهي افضل الاماكن العائليه بلندن بعد الساعه 9 مساء