ابو الدانه 2
07-07-2022 - 05:08 am
السلام عليكم
اخواني حاب اسافر الى تايلند ان شاء الله بتاريخ 25 / 2 / 2009
أولاً وش رأيكم بالموعد هل هو مناسب
ثانياً على اي طيران احسن علماً اني ابروح من جده أو ممكن من الرياض
ومتى انسب وقت احجز هل من الآن
وبكم سعر التذاكر
وتتوقعون كم تكفي ميزانية انا وزوجتي فقط لمدة 10 أيام تشمل زيارة ( فوكيت - وشنغماي - وبانكوك )
وبكم التذاكر الداخلية من بانكوك الى شنغماي
ومن شنغماي الى فوكيت
ومن فوكيت الى بانكوك
ارجوكم ساعدوني علشان اقدر ارتب الرحلة من بدري
اولا تروح وترجع بالسلامة وان شاء الله تنبسط انت والمدام وتكون سفرة ممتعة
بالنسبة للوقت فهو اعتقد يقع في الهاي سيزن .. أكثره أجانب واغلى من فترة الصيف وعموما تايلند ممتعة في أي وقت
بالنسبة للطيران .. عندك اكثر م خيار ممتاز .. ولكن جرب القطرية .. خدمة ممتازة واسعار معقولة .. واذا تبي تحجز من الحين على النت راح تطلع عليك التذكرة بسعر رخيص
بالنسبة للميزانية تعتمد على نوعية السفر .. هل انت انسان تحب التسوق وتصرف وايد بالسوق .. ام انك تحب المغامرات والانشطة والرحلات فقط .. وايضا نوعية الفنادق اللي ودك تسكنها .. هناك الغالي والرخيص ولكن تأكد مقابل الفلوس اللي راح تدفعها بتايلند راح تلقى خدمة فندقية ممتازة .. يعني بالعربي اسعار فنادقهم رخيصة مقارنة بمستوى الفنادق ..
التذاكر الداخلية من ارخص ما يمكن ومتنوعة الشركات ( هناك اكثر من 5 شركات طيران ) والرحلات كثيرة من والى الوجهات اللي تبيها
ان شاء الله اعطيك التفصيل الممل في رد آخر