نعم... الشيراتون أفضل بكثير..
أسعار فنادق الدوحة غالية نسبياً مقارنة بباقي دول الخليج...
والأسعار تقريباً نفسها أو ما تنزل كثير وقت الدراسة..
والله يحييكم تنورون الدوحة

ماانصح السكن بالشيراتون برمضان لكثرة الفعاليات اللي فيه والزحمه الخيمة الرمضانيه والخيمه الثقافيه زحمة كثير اذا عقب رمضان افضل بكثيير.

اي عقب رمضان ان شاء الله اذا ربي راد
طيب وش الميزات اللي تميز الشيراتون عن غييرة ؟؟

أختي شلون تقارنين فندق الشيراتون اللي يعتبر من أفخم فنادق قطر بفندق فاشل تعبان مثل هذا اللي ذكرتيه . . حتى اسمه ماأعرفه
يعني أنا قطرية وأعرف الفنادق الراقية في قطر . . لكن هالفندق ماأعرفه !!!! تتوقعين بيكون حلو وفخم ؟!!
الله يهديج بس

الشيرااتون افتتح سنه 1982 يعني قديم جدا بس طبعا محافظ على تصنيفه كخمس نجووم . احلى شي بالشيراتون اللوبي تبعه مميز عن غيره من الفناادق بقطر . دائما اذهب هناك لشرب القهوة والشاي اما برمضاان فيوميا اروح بعد الترااويح. الشي الثااني البوفيه تبعهم ممتاز جدا بالنسبة للغرف مااعرف اي شي عنها اذا تم تجديدها ولا لا .

النوريq
يعني أنا قطرية وأعرف الفنادق الراقية في قطر . . لكن هالفندق ماأعرفه !!!! تتوقعين بيكون حلو وفخم ؟!!
الله يهديج بس
كيف حكمتي انه فاشل بدون ماتعرفينه
قولو اول مرة اسمع عنه ماعرف بس يفترض ماتقولين فاشل
لان كل فنادق قطر من 3 الى 6 نجوم كلها تحت اشراف هيئة السياحة و الكل يؤكد انها نظيفة وجيده حسب النجوم
اسم الفندق
Somerset‏ في الخليج الغربي من الفنادق الجديدة النظيفه وانا معاج ان الشيراتون روعه وشرح و تصميمه روعه برغم من قدمة بس ابدا الواحد مايحس انه قديم

ماجد القطري
أخوي فنادق قطر العدله تنعد على الأصابع , ولو كان هالسمرست فخم وحلو أكيد باسمع عنه وبيشتهر هنا في المنتدى على الأقل بين الأعضاء
وبالفعل رحت دخلت على موقعهم ولقيته تعبان ومثل ماتوقعته وأزيد , والمصيبة اني لما اتصلت لهم أسألهم كم نجمه هالفندق لاني توقعته أربع أو ثلاث نجوم , قالت لي عاملة الإستقبال أنه سمرست شقق مب فندق
علشان جذي مقارنة الأخت أحلى بنت كانت باطلة من البداية لانه مايصير نقارن الشيراتون بشقق مجهوله من الشقق اللي بنوها بسرعه ولاندري وين مكانها ومبين عليها انها تعبانه مثل غيرها من الفنادق اللي فجأه سووها في الدوحه الحديثه , ومعظم هالفنادق فاشله مثل فندق دبليو وغيره.