الأخ hamoodsa
نعم الدار البيضاء هي كازبلانكا. لا خوي مافيه شئ من حقك تسأل نحن هنا لخدمتكم ، مو مشكله ما تعرف شئ عن بلد بس المشكله إذا كان عندك من يستطيع يدلك وما تحاول تستفيد منه ، وأسأل أي سؤال حتى لو تحس إنه ماله داعي ،أهم شئ تستفيد ، وبعدين راح تسافر وترجع لنا بالسلامه وتكتب لنا موضوع مفصل عن الرحله وبالصور يعني اليوم تتعلم وبكره تعلم وهذا فائده لك وللمنتدى وللأعضاء... لا تستحي أو تتردد في أي سؤال.
من ناحية فندق وفيه سعوديين عندك حياة ريجينسي في وسط البلد وكل شئ قريب منه وأي مشوار تاكسي ما يتعدى 15 درهم إن كثر ، وسعره يعني لك عليه وبإمكان الذهاب إلى أي وكالة سفر في بلدك وموثوقه وإسأله عن السعر ويمكنك شراء الفوتشر من عندهم ، وفيه فنادق غيره، بس لو تدور في المنتدى راح تحصل كل شئ تبيه من فنادق أسعار تقريبيه وغيره حاول تقرأ المشاركات وأستخدم أداة البحث هذا كي لا تصبح مواضيعنا مكرره أو نكتب شئ يعني ينسب لنا ونحن إقتبسناه من مشاركة أحد الأعضاء وهذا إجحاف بحقه ، أما المحاسن والمساوء فإذا أحد سكن فيه يدلك عليها.
وتقبل تحياتي
المسافر

يعطيك العافيه اخوي المسافر دائما موجود
وبصراحه انت شجعتني على اني اشارك اكثر واكثر وعلشان خاطرك هذا وعد مني اني اسوي لك تقرير عن سفرتي هذي يعجبك
وبصراحة اخوي المسافر انا ودي افهم ما ذا تعني بالفوتشر

الأخ hamoodsa
الله يعافيك ، ونحن تحت الخدمه ، وردك هذا يكفيني ، كأن المشاركه خلاص وصلت ويبيلها بس نشر ، بخصوص الفوتشر ، هذا كوبون ، كيف تحصل عليه ؟ لما تذهب لوكالة سفر وتطلب منه يحجز لك فندق طبعا توضح له كل شئ تبي مع فطور أو بدون لو بعد تبي الغداء والعشاء على كيفك كل ما تحتاجه في الفندق مثلا ، ومن ثم يعطيك السعر موظف وكالة السفر إذا إتفقتوا وكان مناسبك ، تدفع له كاش من بلدك عند نفس وكالة السفر وهو يقوم بعمل الحجوزات وغيره ، ثم يعطيك كوبونات بقيمة المبلغ وسعر الحجز تدفعها للفندق في المغرب لما تروح بدل ما تدفع للفندق فلوس يعني فلوسك مدفوعه من قبل وتأخذ الخدمه حسب ما أشتريت. ومن ثم الفندق يتحاسب مع وكالة السفر ، بس خلك حذر في إختيار وكالة السفر في بلدك ولا تذهب إلا لوكالات لها سمعتها ومجربه.
وتقبل تحياتي
المسافر

شكرا لك اخوي المسافر على هذه المعلومات ويعطيك العافيه على تفانيك في خدمة جميع الاعضاء مثل ماني شايف من كثر اجاباتك على استفساراتهم
الله لا يحرمنا منك ومن امثالك

اذا كنت في كازا احسن شي هو شقة او فيلا اذا انتو اكثر من واحد لكن اول ماتروح اسكن في فندق معقول لين ماتلقا شقة مناسبة وبسعر معقول في كثير هناك ماتتعطل ابد.بالنسبة للفندق روح دي انفا
(اطلنطيس)او فندق كنزي بسمة ترى سعره معقول جدا هذا الثاني وموقعه بالقرب من حياة رجنسي في وسط المدينة وي كل شي جنبك.اما ترا الفنادق الثانية خلها على جنب ما عدا الخمس نجوم بس حرك جيبك واهم شي هو الحذر دائما وعدم الثقة باي شخص كان.والمعرفة الطيبة والحلوة احلا شي والسلام.