وين الفزعة يا أهل الخير

ان شالله يفيدونك الأخوان ..
تقدر تدخل على مواضيع الأخوة اللي زاروا ميلانو و تستفيد من تجاربهم

والله مادري بس اعتقد بنت الصقور شكلها مديرة مكتب سفريات ههه ماتقصر انشالله بتقولك كل شي والسموحه ياخوي على القصور لو اعرف كنت قلت لك ياناصر فمان الله

انا اتوقع ان اجمل فندق في العالم وفي ميلانو هو المكان اللي يضم زوجين سعيدين......
تحياتي لك

النداء الاخير
كلام حلو ولكن وين بيسكنون ؟؟؟؟؟

السلام عليكم
بالنسبه لافضل فندق في ميلانو اذا تسأل عن الافضل فانا اتوقع انه فندق فور سيسون فندق جدا جميل وموقعه ايضا رائع قريب من ساحة الدومو وشوارع التسوق انا كنت ساكن فيه لمدة ثلاث ايام وامس طلعت منه وحاليا انا في فينيسيا اذا تطلب اي معلومه حاضرين
ولكن مشكلته سعره غالي خصوصا اني رحت لهم بدون حجز اما عنوان الفندق هو:
Via Gesu 6 -20121 Milano -italia
تلفون : 390277088+
فاكس : 390277085000+
مع خالص تحياتي

تسلم أخوي السلطان الثاني على خدمتك وتواصلك معنا وجزاك الله خير

اخوي سلطان الثاني كيف الجو في ميلانو من ناحيت( برد ولا معقول الجوونيسه فيها عالم ولا هاديه والاسواق نزلت ملابس الصيف) انا جاي ان شاء الله بعد اسبوعين ومعي زوجتي وبنتي وخايف عليها من البرد ازعجتك بكثر الاسئله اقول نسيت وافضل فندق عزيزي يقولون الفورسيزن بس حبيت اخذ رايك وفينيسيا تسوا نروح لها في هذا الوقت وكم مسافتها باالقطار والسياره والله يجزاك عني الف خير

الخيل المسافر مساك الله بالخير من فينيسيا
اولا الجو في ميلانو جدا حلو لبداية فصل الربيع عندهم وبالنسبه لنا شوي برد لكنه البرد اللذيذ وبعد اسبوعين اذا جيت على خير بيكون احسن
ودرجة الحراره اليوم في ميلانو تتراوح بين 13 و صفر ولكن صفرهم غير صفرنا
اما بالنسبه للونس فهي جدا ونيسه ولكن بعد الساعه سبع تنقلب الدنيا وتصير هادئه
بالنسبه للاسواق فعلا نزلت ملابس الصيف ولكن الاسواق بالنسبه لرأيي الشخصي انه مهي مثل ماكنت متوقع يعني انصدمت فيها لاني كنت حاط فكره مسبقه ان ميلانو هي افضل مدينه تسوق ولكن ليست كذلك لاني كنا جايين لميلانو للتسوق وماطلعنا الا بالشي البسيط
اما بالنسبه لافضل فندق فهو الفور سيسون وتلقى في ردي السابق على الاخ ناصر في هذا الموضوع عنوان الفندق وتلفونهم وكذلك الفاكس
اما بالنسبه لفينيسيا فهي تسوى جدا الذهاب لها ومادام وصلت ايطاليا لابد انك تشوفها وانصح جدا
اما مسافتها بالقطار فللاسف ما اقدر افيدك لاني ماني من راعيين القطارات ولا عمري ركبتها في اوربا
لكن بالسياره وهي وسيلتي المفضله للتنقل في اوربا فالمسافه بين ميلانو وفينيسيا 280 كيلو تقريبا وتاخذ من الوقت حول ثلاث ساعات الا ربع
مع تمنياتي لك وللعائله برحله موفقه