1. السلام عليكم ورحمة الله وبركاته


2. المهم

السلام عليكم ورحمة الله وبركاته

كيف الحال يالاخوان عساكم بخير ،، وعلى البركة كل من ضموه البعثة وان شاء الله يرجع لنا بالشهادة رافع الرأس والوظيفه في انتظاره .
في الحقيقة يالاخوان أنا في حيرة من أمري ،، لاني بحثت وسجلت في اكثر من منتدى وحاولت افهم والاقي اجابات لاستفساراتي لكن للاسف مالقيت ،، رغم ان الاسئلة بسيطه وعادية وكل اللي ابيه ان الواحد يذكر وجهة نظره ويجاوب على الاسئلة فقط .
لكن بعض الاخوان الله يهديهم مجرد ماتجيه البعثة أو يوصل للبلد اللي يبي يدرس فيها ينسى المنتدى باللي فيه ،، ونا ما ألومهم لان الواحد مايعلم بظروف الاخرين لكن مو معقولة ظروف تستمر طول العمر ،، فيالاخوان من فرج عن مسلم كربة فرج الله عنه كربة من كربات الاخرة ،،، حتى لو كانت معلومتك بسيطه على قدك وتحس انها ماراح تفيد اذكرها ،،، الواحد اوقات يستصغر نفسه ومايدري ان كلامه مهم جدا لصاحب الموضوع وللبقية .

المهم

أنا يالاخواني حالي كحال الكثير أبي ادرس في امريكا على حسابي الخاص ثم أنضم للبعثة ،، طبعا انا بصراحة ما أثق بالوزارة ولا بالملحقية واي كلام اسمعه عنهم لو كان ايجابي اعتبره اشاعة لذلك مرتب نفسي على اساس اني ادرس على حسابي وامشي على الشروط المذكورة واخلص الثلاثين ساعه وانضم للبعثة ونا مرتاح البال وواثق ،، واذا ضموني قبلها عاد خيره من الله .
فالحاصل تعرفون الواحد وهو يدرس على حسابه الخاص يحاول يوفر ويحرص جدا ويستفسر أكثر من اللي رايح على حساب الحكومة او بعثة اخرى عشان لمن يروح هناك ماينصدم بالامر الواقع ويكون مرتب نفسه لاي توهيقات .
فأنا يالاخوان سافرت في اكثر من بلد للدراسة وعندي معلومات على اكثر من بلد واعرف ناس في اكثر من بلد ،، ماعدى امريكا ،، ما اعرف عنها شي ابد وماعرف احد فيها ابد ،،، ماعدى السيد مبارك اوباما ههه .
فبوجهة نظري أهم سؤال للي حاب يسافر للخارج سواء في امريكا او في بنغلاديش هو موضوع السكن ،، متى مانتهى موضوع السكن راح يهون الباقي كله ،، وبعد موضوع السكن يجي الاسعار حقت الدراسة والمعيشه وبعدها يجي موضوع المدينه او المنطقة وغيره .
فأول سؤال يالغاليين برأيكم وبمعرفتكم وبخبرتكم ماهي أفضل مدينة تنصحون فيها طالب يدرس على حسابه الخاص ،، من حيث السكن والاسعار ؟
يعني أبي مدينه أسعار السكن والدراسة فيها جيدة ،، فناس نصحوني ب أوهايو وناس نصحوني ب كلومبس مدري شنو وناص نصحوني ب دورتمند زي كذا فمادري انتم وشرايكم ؟
فياليت اللي يذكر لي اسم المدينة يبين لي التالي :
1- اسعار السكن ؟ ونوعه ؟
2- اسعار المعاهد ؟ ونوعها ( تبع جامعه او اهلي ) ؟ وياليت يضع الرابط .
3- اسعار المواصلات بالباص سواء الكارد او غيره ؟
4- أسعار المعيشه بشكل عام ؟ وكم تقريبا ؟
5- ملخص عام عن المدينة من حيث المساجد والمسلمين والامن واماكن الترفيه وغيره ؟
6- بوجهة نظرك سبعة الالاف ريال سعودي شهريا هل هي كافيه للسكن والدراسة والمعيشه ،، مع العلم اني شخص مايصرف كثير ؟
الأستفسار الاخر يالاخون :
أنا شخص أبي اخلص اموري بنفسي واراسل المعهد بنفسي واطلع فيزتي بنفسي بدون استغلال وكذب هالمكاتب اللي تأكل فينا اكل .
فسؤالي هو :
1- هل لابد علي من دقع قيمة دراستي كاملة للمعهد اللي ابي منه ورقة قبول ؟ أو مالهم دخل فقط تعطيهم اتعابهم ويعطونك القبول ؟
2- بحكم أني اريد التقديم للبعثة هل لابد أن يكون المعهد معترف للملحقية أو باستطاعتي أطلع قبول من معهد معترف متى ماوصلت امريكا ؟
3- كيف هو تعامل الملحقية مع الطلاب الخاصين ؟ لاني سمعت عنها كلام شين .
4- سؤال للخبراء ، تقريبا وبوجهة نظركم كم يحتاج الشخص للانضمام للبعثة اذا كان في مرحلة دراسة اللغة ؟ تقريبا .
ملاحظة اخيره
يالاخوان رجاء خاص سواء كنت سافرت لأمريكا و تعرف عنها أو قراءت معلومات في الانترنت أو كنت تبحث مثلي عن هالاستفسارات ووجدتها ياليت ماحد يبخل علينا بشي ابد ،، حتى لو كان بسيط بوجهة نظره
كل انسان يضيف رده وياحبي للناس اللي تفصل تفصيل لاني احب التفاصيل والسالفة كلها رد وماراح ياخذ اكثر من خمس دقايق .
أتمنى أتمنى أجد اجابات استفساراتي لديكم لانه فعلا بدأ يجيني احباط ههه
شاكر لكم
بالتوفيق