السلام عليكم ..
هالتقرير .. تعبيرا عن امتناني لهالقسم وهالمنتدى ..
لان لولا الله ثم هالمنتدى ماعرفت ادربي راسي
وممكن الصور تكون قليله شوي لان ماحب اصور كل شي تقريبا ..
بسم الله على بركة الله ..

• الجزء الاول ، سلانجور -

الرحله كانت من مطار الملك عبدالعزيز بجدة ..
على متن الخطوط القطريه وتوقف بالدوحه وقت بسيط ثم الاتجاه الى كوالالمبور ..
سعر التذكره للشخص 2554وسعر كل التذاكر لسبع اشخاص بالغين كان 17878 ريال
صوره من مطار الملك عبدالعزيز الي شكل لي صدمه صراحه ..
ابوه للجنه مطار الملك خالد عنده
كان زحمة بشكل رهيب .. والطابور مطول .. بسس كنا نعرف واحد هناك وبسرعه مشى لنا الامور ودخلنا استراحة الفرست كلاس لين مايبدا النداء على الرحله
الاقلاع كان قريب الفجر وهنا منظر من قبل الهبوط في مطار الدوحه
ماطولنا بالدوحه بسس سريع سريع صلينا الفجر ثم رحنا لبوابة رحلة كوالالمبور ،،
وع الموعد اقلعت الطائره وكانت اكبر من الاولى بعد سبع ساعات تقريبا وصلنا لكوالالمبور وكان الوقت 8 بالليل ..
وختمنا الجوازات وكل شي وخذينا فان لسوبانج جيا فندق امباير .. ب 169 رنجت
سعر الفندق لثلاث ليالي .. 2095 رنجت .. ( غرفه عائليه - وغرفه مزدوجه بريمر )
وعلى ماسوينا التشيك ان صار لي موقف مع الفندق حيل قهرني ..
انا كنت حاجزه حجز غير مسترد وانتظرهم يسحبون من الفيزا قبل الوصول ماسحبو ..
ولمن رحت قالت لي تدفعين كاش ولا بالكردت كارد قلت بالكردت كارد وقالت باخذ الفين رنجت حجزز بسس
واذا جيتي تسجلين خروج تدفعين كاش او من الكردت كارد وهذه ينفك حجزه ويرجع لك بعد اسبوع ..
صدق انقهرت والمشكله ماكان معاي كاش وقلت لها خذي المبلغ لا تحجزينه بس حجزته وصار الي صار وحاست ترتيبي كله
عشاان كذا ماعجبني الفندق كثير ولا ارتحت فيه المهم طلبنا من مطعم الفندق عشاء ..
برقر وبيتزا .. البيتزا لذيذه والبرقر الله يديم النعمه ماعجبني بس عجبني البطاطس الي معه ..
صوره في احد الايام لغرفتنا .. ..
هذه صوره للعائليه
وعلى بكره نزلنا الفطور ثمن خذينا من الفندق تاكسين ب 25 الواحد علي الصن وي لانقون
الصن وي لانقون ..
التذاكر شريتها من النت .. ب 605 رنجت ل 6 بالغين و1 طفله
صراحه ماحس يستاهل الا للي يبي يلعب بالالعاب المائيه ..
لان تقريبا هذه متعته فماستانسنا حيل فيه ..
الا بالبدايه هاللعبه كل افلام الرعب حسيتها في هاللعبه
وكان معنا فيها مجموعة صينين ملاحيس ههه
كانو عاملين جو بصراخهم اكثر من الزومبيات الي فيها ..
بس مره استمتعنا فيها
وهذه صوره لقرد يمد ايده ويسوي يعنني ماطالعكم ومرات يطالعنا بنظرات بريئه ههه
رهيب قعدنا نلعب معه شوي
صور متفرقه للحديقه
وبعدها طلعنا ورحنا للمول وتغدينا في مطعم الطربوش ..
صراحه اكل لذيذ لا يعلى عليه ..
كان الوقت لسسه بدري وقلت خل استغله ودقيت على سواق من الي شفت ارقامهم بالموقع
وقلت له تعال الساعه اربع نبي نروح بتروجايا ...
ووقتها الجو كان خطير صراحة وللاسف كامي ماكان معاي فكل تصويري فيها كان بالايفون رحنا فيها للمسجد ..
وبعد رحله بالباخره 45 دقيقه غفيت في نصها ههه لان كنت مرهقه شوي
صور من بتروجايا ..
ورجعنا ووقتها كان مطر وقلت للسواق يودينا ل i city وقال الحين مطر وماظن بتكون فاتحه ..
ورجعنا الفندق ريحنا شوي ورحت انا وامي للمول الي جنبه وهذه صوره منه ..
وجبنا عشاء من مطعم ايطالي فيه ورجعنا للفندق ..
اليوم الي بعده ماكنت ادري وش نسوي فيه لان شاورت قبلها السواق حق اليوم السابق بلااماكن الي ابيها قال هذه كلها قريبه من كوالالمبور وابعد من سلانجور باستثناء icity
المهم قلت بروح لنياجرا زو حتى لو بعيده بس مايضيع اليوم كذا
وفعلا دقيت على سواق وحولني على صديقه .. ماخذيت الاول لان كان سعره شوي مرتفع ومارضي ينزل لنا
المهم جانا السواق الثاني واسمه قاسم .. تاكسي ازرق كبير .. شفت بسيارته عداد قلت حسابك بالساعه ولا بالعداد قال الي تبينه قلت الارخص ابيه ههه المهم اتفقنا على انه 30 بالساعه ..
ودانا حديقة الحيوان اول شي ..
وهذه صور متفرقه منه
وهنا عرض الفقمه
وبعدها عرض الطيور ..
بعد ماخلصنا دقيت عليه وقال تبون محل الشوكلت والقهوه وهذه ماحسب عليكم العداد لان اخذ عموله منهم ..
انا عجبتني صراحته ههه الممهم ودانا فعلا وشرينا شي وشويات ،،
وبعدها قلنا جيعانين نبي مطعم عربي وقال فيه مطعم حضرموت يمني واذا وديتكم له يغدوني ببلاش ههه ومره اخرى عجبتني صراحته وانه ماستغفلنا ومدحه
عشان كذا وقلنا اوكي ودنا له نجربه ..
ودانا له والاكل كان لذيذ جدا والسعر رخيص مقارنه بالطربوش والطعم متقارب
المهم خلصنا غداء وكنا نبي نرجع ونبي ماينز وندر لاند ..
رحنا لها حصلنا نصها مقفل فاستخسرنا نجلس فيها ..
وبعدها رحنا لi city .. كان الوقت توه مو ظلام فدخلنا مدينة االثلج الي فيه ..
ولما طلعنا كمرتي من تاثير البرد ثم الرطوبه صارت كلها مويه وخربت علي العدسات .. وضاق خلقي وصورت صور معوقه بالايفون ..
بعدها رحنا تعشينا ثم رجعنا الفندق وكان العداد واصل خمسميئه واخذنا وقت كثير من الساعه 10 الصبح لين 10 الليل المهم اخر شي قال لنا هاتو 300 بس ..
وانتهى ايام سلانجور .. وعلى اساس اليوم الي بعده نسوي شيك اوت الساعه 12 ونروح لجنتنق …