ادخلي شوفي طيران قطر او الامارات عندهم حجوزات
اذا انتم من الدمام شوفي الاماراتية على شهر جولاي التذكرة حوالي 3000 ذهاب وعودة
اما اذا من الرياض تختلف 3300 وتزيد على حسب اليوم

اختي قوليلي عن مسار رحلتكم والتواريخ وعدد الأشخاص وبحدود كم تبون السعر

مشكورين حبايبي
والله يعطيكم العافيه
احنا حابين رحلتنا اول الاجازة يعني الثلاثاء او الاربعاء
بتاريخ 29 او 30 يونيو والعودة بعد اسبوعين
واحنا من الرياض

هلا a.a.n
مثل ماذكرت في ردي السايق
عن مسار الرحلة
وانا في بحثي الاول لقيت تذكرة الذهاب من الرياض الى لندن ب 1114 يعني سعر رائع
مقارنه بالاسعار الموجوده حاليا
وعددنا 6 بالغين وطفل عمره 12 سنه يعني 7
أي اضافه عندك انا موجوده
وجزاك الله خير ووفقك لما فيه خير وصلاح لك

السلام عليكم جميعا،،،،
انا حجزت عل الخطوط السعوديه قبل 3 اسابيع وامس قصيت التذاكر بمبلغ ولا في الاحلام (2800)ريال
مكتب الطيار راجعتهم تقريبا قبل شهرين وكل 3ايام وانا عندهم او كل اسبوع امر عليهم ازعجتهم يقولون مافيه حجز
واذا كان فيه حجز يكون ب3800 واكثر مع العلم ان موعد رحلتي1 يوليو
فجاه مريت عليهم ولقيت الحجز الحلم
اذا تعرفون احد في مكتب الخطوط او الطيار يقدر يحجزلكم
انتي تواصلي معهم وازعجيهم كل يومين او ثلاث ايام شيكي عليهم لانهم فجاه يفتحون الحجز
معلومه/الخطوط السعوديه لها كلاسات انا حجزت على كلاسq مع وجود كلاس ارخص2500 لكن الارخص لايمكن استرجاع المبلغ لو حصلت ظروف او فاتتكم الرحله
الله يوفق الجميع،،،،،

مشكور اخوي هواوي ع طرح تجربتك
والله يوفقك في رحلتك ويكفيك شرها
وبصراحه سعر رائع >> خصوصا لمن تكونون مجموعه >>طيب اخوي انتي حجزت عن طريق النت والا رحت لمكتب الطيار
وايش افضل فرع من واقع تجربتك
>> بصراحه احنا محددين مبلغ لرحلتنا ما نبغى التذاكر تاخذ النصيب الاكبر منه وغير الفيزا بعد
وبصراحه عطيتني امل كبير
الله يسعدك ويوفقك

شوفي انا نفس حكايتك لكني بروح في 10 سبتمبر
الخطوط السعوديه في الصيف السعر مختلف
في عيد رمضان ايضا مختلف
في شهر اكتوبر ذهاب وعوده لشخصين وطفل ورضيع 5000ريال تقريبا
بحثت على طيران الخليج حصلت على حجوزات كثيره واسعار تنافسيه لكن اغلب رحلاتهم من البحرين.

مشكور اف 16 >> انا عارفه انو الوقت تكون الاسعار غاليه
بس لسه باقي عالاجازة شهرين
يعني إن شاء الله ألاقي حجز بسعر معقول ...
طيب تتوقعون لمن اروح لمكتب اووكالة سياحه وسفر أفضل
ويمكن الاقي حجز بسعر معقول؟؟
وايش ترشحون لي مكتب عن تجربتكم الشحصية؟؟
جزاكم الله خير

حبيت اخبركم بمستجداتي للبحث عن التذاكر
دقيت عالخطوط السعودية
وطبعا اخذت وقت ع ما مسكت خط
وبعدين وقت اضافي ع بال ما رد علي موظف الخطوط
وسألت عن 7 تذاكر الى لندن بتاريخ ا لاربعاء 30 يونيو والعوده الجمعه 16 يوليو
قالي انتظار وب 4009 ريال للشخص
قلت له ابغى v.c قالي مافيه حاليا بس شيكي كل يوم يمكن احد يعتذر لأنه
اللي يحجز v.c لازم يدفع ع طول او بالكثير يومين
وكثير يحجزون ولا يدفعون
وتتوقعون بكم الv.c للشخص
والله سعر ما تتخيلونه
ب 2299 ريال
يعني بنص السعر تقريبا
ولمن تحسبوها ينزل لكم مبلغ كبير اذا كنتو اكثر من شخص
يعني 7 اشخاص بv.c = بالريال السعودي 16093
او
7 اشخاص بالضيافه اذا كان السعر 4009 ريال للشخص = 28063 ريال
يارب ترزقنا من واسع فضلك وتسهل لي الحجز
بس ما ادري تتوقعون ألقى حجز ؟؟
وكم اجلس انتظر
ما ابي يروح علي الوقت وانا ادور من موقع لموقع او ادق عالخطوط
وفي الاخير تجي الاجازة ولا رتبت الموضوع....
والا اشرايكم احجز عالاماراتيه بس التاريخ الموجود مايناسبنا ****************>>> واخاف يروح علينا بعد >> والله حاله
والسعر 3500 ريال تقريبا
شورو علي من واقع تجاربكم
حبيت اطرح لكم الموجود واتمنى للجميع الفائده
دعواتكم إني ألقى حجز بهالسعر او افضل بعد
تمنياتي للجميع رحله سعيده