نصيحة مني لج يا اختي ماتنفع السيارة الكشف ، لان احيانا الظهر الشمس تكون حارة في ميونخ وما حولها، وثاني شي مابتكفي الشنط ، ف يستحسن تاخذون سيارة وسيعة ، وتوسعين على عيالج بعد لا ترصينهم بالشنط

احنا راح ناخذ السيارة من ميونخ وعلى طول على زيلامسي وماحولها ونسلمها في جنيف
القصد هل سبق وحربتوا السيارة مع هالاماكن الحلوه مثل زيلامسي وانسبروك وانترلاكن

نصيحة لوجه الله
لا تاخذون سيارة كشف ، لان حتى في زيلامسي احيانا الظهر تكون الشمس حارة ، وثاني شي المسافة بين زيلامسي الى جنيف بعيدة حوالي 6 ساعات او اكثر
وبعدين ماتكفي للشنط ، اذا كنتو اربع أشخاص وكل واحد شنطة
خذو سيارة وسيعة ومناسبة لكم ترتاحون فيها ،

لا تاخذون سيارة كشف السيارة الكشف حقت مشوار مشوارين وتغيير جو على حسب الجو يعني ما تعتبر سيارة اساسيه
غير كذا انا توني راجع امس من زيلامسي لميونخ انا في ميونخ هالحين
الجو حلو بس في النهار شمس وفي زيلامسي كان مطر
وترى مشوار زيلامسي من ميونخ تقريبا ساعتين ونص بس
لكن ازعاج وقلق الكشف مهيب سيارة خطوط
اجل بتروحون لجنيف بعد
عز الله رجعتوها في نص الطريق

انا وجهت نظري غير شكل
نصيحة أخذي سيارة كشف 100%
انا شخصيا اخذتها من فرانكفورت و فري بالمانيا و سويسرا و فرنسا
الجو حق السيارة كشف هناك حلو تقدرين تشوفين بتقريري ( رحلتي الي المانيا )
و السيارة تكفي لا تحاتين بس لا تكثروون الاغراض
و انصح فيها بقوه كفاية الجو الحلو بين الارياف و المسافات الطويلة تسكرون الكشف

violetq8
حلو
هل اذا فتحتوا الكشف ماتسمعون صوت القارمن
زوجي يبي ياخذ bmw x5
وانا ابي كشف ابي اغير مليت من السيارات العادية

أنا في 2009 أخذت bmw الفئة الثالثة - كشف قير عادي .. بالضبط زي اللي حجزتوها ..
وكانت ممتازة جدا ، ولا فيه أي مشكلة في الحر لأني إذا سكرت الكشف تصير سيارة عادية. والقارمن ما عندي مشكلة فيه ..
لكن (تحتها ثلاث خطوط) كنت أنا وزوجتي "فقط" لحالنا قدام ، والمرتبة اللي ورا فيها شنطتين كبار (بالنسبة لشنطة السيارة مفضينها لأن سقف السيارة يتصفط فيها عند الكشف وبالتالي ما تكفي للشناط).
لذلك أقترح عليكم وبشدة ما تاخذون الكشف بسبب الضيق الشديد اللي راح تواجهونه ، أنتم معكم طفلين يعني شبه مستحيل تكفيكم .. انتبهوا ! وغيروا الحجز أفضل لكم ..!