تان تان
وش رايكم بالمخطط الأن ؟
München ميونخ (6ايام)
Lugano لوقانو (3 يوم)
Milan ميلانو (3 ايام)
zermatt زيرمات (2 يوم)
GENEVA جنيف (4 يوم)
من عندها نطلع ANNECY آنسي تبعد عنها ساعه فقط
Montreux مونترو (3أيام)
Intrlakin انترلاكن (4ايام)
Zürich زيورخ (4 ايام)
من عندها نطلع luzern لوزيرن
اخوي تاتان بشارك باقتراحي لسفرتكم واتمنى يعجبكم
التخطيط اللي انت حطيته انا احس انه متعب ويغربل ، وبحسب خبرتي في السفر وخبرتي في الدول اللي
بسيرلها بحطلك جدول ثاني وان شاء الله يناسبكم
اترك ميونخ في آخر الرحله للتسوق وابدا بمطار جنيف
واستقر في مكان واحد يا اما تختار جنيف او مونترو او لوزان أوتسكن في ديفون( كتب عن ديفون الاخ ابو
عزيز ) مدة اسبوع وبتقدر من مكانك تتجول لكل المناطق السابقه لانهم كلهم قريبين من جنيف
( لوزان + مونترو + آنسي )
لانه التنقل وايد من فندق الى فندق وايد متعب ويضيع الوقت الا سكروا الشنط وبطلوا
الشنط ولاشيك ان وشيك اوت
التنقل الثاني:
الى انترلاكن مدة اسبوع ( وصدقني بيخلص الاسبوع وانته ماخلصت ربع الاماكن وياريت تراجع
تقريرى عن انترلاكن عشان تختار الاماكن السياحيه اللي تفضلها )
ومن انترلاكن بتقدر تزور لوزيرن وزيورخ وعلى فكره زيورخ ماتستاهل العنوه اما لوزيرن فتستاهل
التنقل الثالث :
الى زيرمات يومين تكفيها
التنقل الرابع :
الى لوقانو بعد يومين
التنقل الخامس :
الى ميلانو 3 ايام
( رغم اني مانصحك وايد بلوقانو وميلانو لانهم عادة يكون الجو حار ولكن اذا في خاطركم فمايمنع الواحد يجرب )
التنقل السادس :
الى زيلامسي 6 ايام (وشوي عليها )
التنقل الاخير :
الى ميونخ 3 ايام للتسوق ( ميونخ مدينة تسوق وعلاج اكثر شئ )والافضل السكن قريب من مارين بلاتز
منطقة التسوق .
اذا اقتنعت بكلامي وصرفت نظر عن لوقانو وميلانو وزع الايام اللي حطيتهم لهم على باقي المناطق السابقه
الله يسرلكم سفرتكم وسيركم ويرجعكم بالسلامه

السلام عليكم
من راى ان لوقانو ما تستاهل 3 ايام لانى كنت فيها

حياك الله في البوابه السويسريه
اقترح
وهو اقتراح تابع للفكره السابقه
ان تبدأ الرحله من ميلانو
ميلانو
المسافه ساعه
لوقانو
المسافه بينهما 2:39
انترلاكن
المسافه بينهما 2:17
زرمات
المسافه بينهما 2:05
مونترو
المسافه بينهما 1:05
جنيف
المسافه بينهما 2:52
زيورخ
المسافه بينهما
ميونخ 3:39
هذا اذا اصريت على هالتنقل
لكن اذا بتاخذ نصيحه هداوه راح يختلف الترتيب
الترتيب راح يكون في ردي القادم باذن الله
طبعا هنا راح يكون استأجار السياره اخر يوم في لوقانو

البرنامج الثاني لتقليل التنقل
وتقليل التشيك ان والتشيك اوت
ميلانو
لوقانو
انترلاكن
مونترو
زيورخ
ميونخ
وتزيد عدد الايام في انترلاكن
وفي مونترو
على فكره انسي تبعد عن مونترو ساعه
وعن شامونيه ساعه وربع تقريبا
وزرمات تبعد عنها ساعتين بس يعني تقدر تطلع لها مشوار يوم واحد وترجع بنفس اليوم
لو فرضنا انطلقت الساعه 8 راح توصلها الساعه 10
ومن الساعه 10 الى 7 المساء راح تمل منها وراح ترجع على مونترو قبل تغيب الشمس بعد
وبالنسبه لعدد الايام
اقتترح تخليه اخر شي يتحدد حسب البرنامج اليومي
والاماكن الي انت حاب تزورها في كل مدينه

مرحبا اخوي تان تان 0000
كويس نقلت موضوعك للبوابة السويسريه وخاصة انو برنامجك صار سويسري وماشاءالله الخبراء هنا مايحتاج وخاصة المشرف المميز ابو عزيز ان شاءالله يساعدونك 000
بس عندي ملاحظه على مونترو تراها ماتسوى انك تنام فيها صغيره وهاديه جدا يعني تقدر تطلع لها من جنيف وترجع لها بنفس اليووم 000
وان شاءالله يطلع برناامجك حلو بس ترى اكثر المناطق اللي بتروح لها تعتمد على الطبيعه 000
بالتوفيق ان شاءالله 000000000

بما إنك راح تبدأ من ميونخ لاستئجار السيارة فاقترح إنه يكون خط السير كالتالي:
ميونخ
زيورخ
لوغانو
ميلانو
(ممكن تبدل بين لوقانو و ميلانو)
انترلاكن
زيرمات
مونترو
جنيف
أو في حالة رغبتك في تسليم السيارة في ألمانيا تجنبا للضريبة يكون المخطط كالتالي:
ميونخ 5 أيام
زيورخ يومين
لوغانو
ميلانو
زيرمات
جنيف
مونترو
انترلاكن
زيورخ يومين
ميونخ يوم
أو ممكن حل ثاني لكن متعب شوي و يعفيك من دفع الضريبةتبقى على المخطط الأولى و في أخر يوم لك في جنيف (يوم سفرك إلى الرياض) تصحى الصباح بدري و تخلي أم تنه و تنه يتسوقون في بوتيكات جنيف و تروح لأقرب مدينة ألمانيه إلى سويسرا بالقرب من بازل (أتوقع فرايبورغ) من ساعتين و نص إلى 3 من جنيف بحيث إنك تسلم السيارة و ترجع بالقطار مع العلم إنه بمجرد دخولك لسويسرا يمنحك السويس هاف فير خصم 50% على التذكرة(من بازل إلى جنيف) بس لازم تحسب قيمة التذكرة و البنزين أول و إذا الفرق يستاهل و إلا لا
أو الحل الأخير
و اللي لوكنت مكانك أسويه تشتري راحة بالك و تسلم السيارة في جنيف و تدفع ضريبة و كفى الله المؤمنين شر القتال

هداوه
سررت بردك
وكلامك صحيح والله احس اني تعبت وانا اكتب واقرى جدولي
كيف لو امشي عليه
بالنسبه لميونخ لازم ابداء فيها لأنه يوافق تواجدنا موسم التخفيضات
وانتي تعرفين اسواق ميونخ
وبالنسبه للتنقلات والله كلامك صحيح
وش رايك لو يكون استقراري في ما احطته بالمربع الأحمر
والتنقل منها للمدن القريبة ؟

اما بالنسبه لزيلامسي رحت لها قبل
ولكن المدن السويسريه ولا مدينه قد جيتها
على شان كذا ابي اروح لها
وحتى ميلانو
على كثر ماقريت انها ما تصلح
الا انه لازم امرها
والف شكر لك
بس وش رايك بالجدول ؟

to_last_batman
الله يسعدك
وانا ما اخترت الا 3 ايام

لوي فيتون
مازلت اتعبك معي
والجدول الثاني افضل
ولكن ما ادري ليش احس ان مونترو ماتصلح نقطة انطلاق ؟