مرحبا أخي..
فندق كارتون حلو خاصة للي معاه أطفال ، يبعد عن المترو مسافة مشي 5-7 دقائق ، يفصله عن الاستقلال آفينو شارع ، الزجاج غير عازل للصوت فاذا انت تصحى بدري ما عندك مشكلة ، لكن من الساعة8،30 -- 9 تبدأ أصوات السيارات ، سكنت بالغرفة الكبيرة اللي عندهم ( ما في الا غرفة وحدة كبيرة ) وكانت الاقامة فيها رائعة بجد بالنسبة للغرف الكبيرة أعطيه 5* بالراحة ، ممتاز من ناحية الأثاث ، النظافة ، موظفين متعاونين ، الفطور جيد جدا
كرافان سرا ما على ما أذكر قديم ما أدري تجدد أو لا ،
تحياتي

أخي
فندق كارتون سكنت فيه قبل 3 سنوات ،الليلة 300ريال تقريا من مكتب سياحي معروف بتركيا ، سعرك غريب ، أظن حاجزين لك غرفة صغيرة ، ما أقدر أفيدك عنها ، لكن موقع الفندق وخدماته جيدة جداا
اليجانس أعتقد انه أرقى سكن بيلوا لكن بعيد عن السنتر ، لكن ميزاته على ما أذكر تغطي على عيب الموقع
عذرا على السؤال : تتعامل مع أي مكتب ؟؟؟

happy face
أولآ أشكرك ياخوي على التجاوب السريع .. وبالنسبة للعرض أنا باقي ماحجزت وحبيت أستشير أول
وهذا العرض موجود على موقع وكالة مشهورة بجدة لكن مااقدر اصرح بأسمها أعتقد ممنوع ونخاف من التوقيف والسجن لكن تبدأ بحرف الراء .
لكن أنت تقول السعر غريب . وش الغرابة يعني رخيص او غالي
بعد ماحسبتها 4200/ 11ليلة = 382سعر الليلة في الفندق ... وشرايك

كنت أعتقد أن السعر ممتاز من أسعار الليالي الاضافية ، لكن بالمتوسط اللي حسبته 382 ممكن تلاقي فنادق أفضل ، أعتقد بكارتون حاجزين لك غرفة صغيرة ممكن سعرها 165 ريال لكن تنحسب 382 حرام ،
اذا سعر الغرفة 382 أنصحك اختار فنادق بنفسك وضبط جدول على كيفك
اذا ممكن الحرف الثاني من اسم الوكالة لو تكرمت

happy face
أسم الوكالة ر ك س و ن حلوة الحركة
أذا ممكن تقترح لي فنادق حلوة ورخيصة و موقعها زين 4 نجوم تكفي الغرفة 2 كبار و2 صغار في أسطنبول وبورصة في حدود 400 ريال وكم تتوقع يكفي مصروف أكل وتمشيات ومواصلات

اخي ابو وسن هذه الشركة محترمة جدا سافر معها ابني عاصم مرتين كانت راقية جدا في تعاملها .
وكما قال لكم اخي الوجه السعيد استنبول الغش فيها موجود ولكن اسال الشركة عن مواصفات الغرفة .
وباقي العرض معقول جدا خصوصا اذا كان في الصيف .

مرحبا أخي
شكرا على الحروف ، فنادق ممتازة باستنبول 4* لاريس بارك ، الفنادق : نيبون (تم تجديده العم الماضي )، سيمينال جيدة جدا ، كارتون أفضل منها ، بما أنه معاك أطفال خليك على كارتون لكن اشترط عليهم الغرفة الدبل الكبيرة ( تفاجأت لما عرفت أنها معروفة عند أغلب مكاتب تركيا السياحية ، الغرفة هي كرت الفندق الرابح ، واسعة ومريحة ، بجد من تجربة هالغرفة بمستوى مرمرة والأنتركونتيننتال )
بورصة : الهوليدي ان ، الميرا ،ممتازة لكن موقعها بعيد عن السنتر ، شيلك بالاس أقدم منها لكن منطقته مناسبة للي معاه أطفال ، قريب منه لونا بارك استخير الله واسكن فيه
كنت أتمنى أفيدك بالنسبة للمصروف لكن هذا يعتمد على صرفكم ، مستوى المطاعم ، التسوق ، المواصلات ( استنبول استخدم المترو يوفر عليك كثير ) ، اصرف باعتدال أول يومين الى ما تتكيف مع الأسعار
بأي مكان تحتاج تاكسي فاصل بالسعر ، هم متعودين على كذا وشوف كذا واحد واختار الأنسب
تحياتي

bagher
نعم صدقت ياعمدتنا الشركة معروفة وصادقة وأمينة وانا من عملائهم وسبق سافرت عن طريقهم الى ماليزيا وأوروبا وأسعارهم ممتازة
لكن سؤالي كان عن العرض هل يوفر علينا مصاريف او أختار أنا الفنادق بنفسي
وشرفتني بتواجدك .. ودمت بخير

happy face
الله يبيض وجهك والله أنك ماقصرت ..... كفيت ووفيت