1. بسم الله ..


2. 1- زمزم > اكيد مايبغالها فلسفة ههه

نظرا لتقصيري مع بوابة الحرمين ( لا والنك بنت مكة ههه) فقررت اتحفكم بموضوع جديد ومميز كالعادة > مع نفسك ...
فكرت وفكرت وفكرت
وكمان فكرت
وفكرت
وكمان
فكرت
واخيرا ...
قررت اكتب الموضوع ....
ليش
؟؟؟؟؟
لاننا لما نسافر لاي بلد دايما نفكر( عجبتني نفكر وفكرت ههه) بالشي المميز في البلد ونحب نجربه ونشتريه ودايما نسأل ايش اشتري من البلد الفلاني ؟؟؟؟؟؟؟؟...
عشان كدا (فكرت ) اقولكم اش ممكن تشتري من مكة > ارحمينا
اوكي ...
ندخل في الموضوع خلاص ....

بسم الله ..

1- زمزم > اكيد مايبغالها فلسفة ههه

2- الحلويات البلدي لاهل مكة زي اللدو واللبنية والمفروكة والحلاوة الطجينية ...واشهر المحلات هي ابونار (ابونار اسم صاحب المحلات العريقة وليس ماركة ابو نار لان اغلب الي يجو من برى يفتكروا ان ابو نار ماركة مسجلة للحلاوة ههه ) + شهاب بدره...
3- التمور ...محل تالا في العزيزية جنب سويرماركت بن داود...انواع التمور المختلفة + مافن +كيك +حلويات + ميلك شيك وكلها مصنوعة من التمر..
4- الدبيازة (عبارة عن حلى من القمر الدين +مكسرات ) وتنباع في ابونار – سوبرماركت النوري ( بالمناسبة النوري اشهر حلواني من زمان وهو صاحب محلات شوكلاة باتشي )
5- السوبيا ( عبارة عن مشروب من شعير وهيل ) واشهر محل هو الخضري..
6- العطور والعودة بشكل خاص والبخور وفي اكتر من محل متخصص بهدا المجال زي العربية للعود – عبد الصمد القرشي وغيرهم كتير
7- اجود انواع البن والهيل للقهوة العربية .
8- موية الورد الطايفي ...وتتباع في اغلب السوبرماركتس..
9- الذهب ... الخالص جرام 18 – 21 -24 (برى الخليج يوجد جرام 14- 16 )
وسلامتكم ..
اكيد تقولو ا الله يخليك لا تكتبي مرة تانية > ادري
بس عشان ماحد يقول بنت مكة مقصرة مع مكة ههه