- ينافخون علينا في السوبرماركت ويتكلمون عننا بلغتهم ويضحكون
السلام عليكم
ألصراحه غلطة عمري وحياتي اني فكرت اروح لايطاليا وربي لو تعرض علي رحله لايطاليا ببلاش وفوقها مليون ريال مااروح حسبي الله عليهم من شعب
اول شي جوهم حار يموت وشمسهم احسها فوق راسي من حرارتها
تعاملهم سيئ لابعد الحدود في المطاعم ينافخون علينا ويحطون ا كل بغير نفس يمين بالله يسدون نفسنا وطبخهم الله يديم النعمه
ينافخون علينا في السوبرماركت ويتكلمون عننا بلغتهم ويضحكون
رحنا فينيسيا وفاتنا القطار ومافيه رحلات الا الصباح ودورنا فنادق مالقينا كلهم فل لقينا فندق فيه غرفه ثلاثيه وحنا خمسه قلنا له بنستاجرها ث ث ساعات بس نريح ونروح مع اول رحله الساعه 4ونص الفجر قال تدفعون حق يوم كامل وحق الفطور وافقنا من التعب خمس دقايق بالضبط جاب الشرطه وقال ماسكنتهم ووقفو معه مع اننا فهمناهم اننا دافعين قالو هو يقول ماسكنتهم كيف ماسكننا وهو معطينا المفتاح وامورنا تمام وخسرنا سبع ميه وجلسنا بالشارع وتعذبنا الله لايوفقه الكذاب وولا يسعده
في القطار من فينيسيا لميلان انا واختي نايمين جو قومونا بصراخ وفكت الشنطه من عربيه ولدي ودفته وهو نايم
يوم وصلنا لفندقنا بميلان طلبنا من الرسبشن يمددون لنا ساعه في الشيك اوت وعلمناهم ان فاتنا القطار قال اوكي وطلعنا من غرفه والثانيه باقي لنا شنطه بسكرها دخل علينا يصارخ قال برا ولا شي تاخذونه من الغررفه وطلعنا بصراخ وصك الغرفه فيها يوروات وبعض الاغراض
في محطة ميلانو سنترال تعرضت للسرقه لولا الله ثم واحد افريقي كان علوم
في كل مكان شحاذين حتى بالمطاعم
صعوبه التفاهم معهم اغلبهم مايفهم انجليزي
الله يقطعها من ديره كل يوم نرجع الفندق متنكدين من صراخهم مع العلم احنا مو لابسين نقاب عشان نقول هو السبب احنا حجاب
كنت اتمنى اني عارفه اخلاق شعبها كان ماخسرت فلوسي على هالديره القذره
مأنصح احد يسافر لها ابدا
واحيتن تتكركب الرحلة بسبب عدم توفيق وعدم ترتيب
ومن ظمن ماذكرتى انتى كنتى السبب بالتاخر عن القطار فطبيعي يحصل لك
الكركبة كلها هذى
عالعموم كان الله بعونك
وان شاء الله تتوفقين برحلة اخرى بس ان شاء الله يكون الترتيب لها
منسق وومرتب زين