- السلام عليكم ورحمة الله وبركاته
- تركيا الصغرى
- اميرجان بارك Emirgan Park
السلام عليكم ورحمة الله وبركاته
ياخبراء تركيا ابي منكم مساعدة في ترتيب جدولي السياحي في اسطنبول رحلتي فجر الاحد من الرياض ونوقف في ابوظبي ونوصل اسطنبول على الساعه 2 ونص الظهر انشالله احنا عائلة من 5 كبار و2 صغار عمر 14 و10 سنوات وهذي اول سفرة لنا الى تركيا
جدول الرحلة يوم 14 و15 اسطنبول
يوم 16 الانتقال الى بورصه والجلوس فيها 3 ايام
يوم 19 الانتقال الى سابنجا والجلوس فيها 3 ايام
يوم 22 العودة الى اسطنبول والجلوس فيها الى يوم 26 العودة الى الرياض
اليوم الاول ماراح نبدا تمشيات الا على الساعه 6 المغرب ونبي شي قريب من منطقتنا (السلطان احمد ) لاننا بنكون تعبانين من السفر
اليوم الاخير نبي شي قريب من المطار
ابي منكم ترتبون لي جدولي السياحي في اسطنبول اما بورصة ويلوا اماكنها محدوده وراح نقرر في نفس اليوم
الاماكن اللي نبي نزورها في اسطنبول :مسجد السلطان احمد - متحف ايا صوفيا - توب كابي
دولما بهجة
السوق المسقوف - السوق المصري
قصر يلدز
جزيرة الاميرات
رحلة البسفور- منطقة اورتاكوي
منطقة تسقيم وشارع الاستقلال
استينيا بارك
فورم اسطنبول
جواهر مول
كانيون
جامع السلطان ايوب + تلفريك مقهى بيرلوتي
اوت لت أوليفوم وأرموني بارك
شارع بغداد
تل العرايس
تركيا الصغرى
اميرجان بارك Emirgan Park
احس ان الاماكن اللي اخترتها كثيرة ماودي ارجع من تركيا واتحسف على شي مازرناه ويمكن بعضكم بيقول بعض الاماكن ماتستاهل الزيارة مثل جزيرة الاميرات ومقهى بيرلوتي وتل العرايس لان هذي اول زيارة لي لتركيا وودي اشوف كل شي بس اهم شي عندي الاماكن اللي باللون الاحمر واذا فيه امكانية ترتيب باقي الاماكن
ابي اعرف قصر التوب كابي ويلدز يستاهلون الزيارة ولا نكتفي بدولما بهجه بالنسبة لي ابي ازور دولما بهجه والباقين لو فيه وقت وش رايكم ؟؟
مجمع جواهر مول نروح له ولا اكتفي بفورم اسطنبول واستينيا بارك ؟؟
غابات بلغراد وشاطئ كيليوس هل يستاهلون المشوار ماتحمست لها ابد !!!
هل يوجد مدينه ترفيهيه في اسطنبول تستاهل الزيارة ؟؟
وش رايكم بحديقة النباتات والطيور ؟؟ وكذلك مدينة الالعاب المائية والمدينة الترفيهيه تعطليا حلوة نروح لها ولا عادية ؟؟؟
اللي عندو اقتراحات اماكن افضل من اللي اخترتها يتفضل مشكورا
طبعا الجدول السياحي مااحبه يكون زحمه مره ومتعب ولا يكون فاضي
واخر شي بالنسبة لبورصة اخترت جبل الوداغ والشلال الصغير والتجول في يلوا والحمامات المعدنية وجنارجك وتيرمال ومنتزه لونا بارك وش رايكم تحتاج تعديل ؟؟
الشلال الكبير كم يبعد عن بورصة ؟؟
اتمنى ترودا على استفساراتي كامله باسرع قت واللي عندو اي اقتراحات ونصايح اماكن حلوة اي شي يقولي عليها وله الاجر انشالله ...
اتنتظركم
ماشالله عليك ماباقي شي ماذكرته