ماباقي وقت تكفون ابي رايكم يا اهل الخبره

نقاء الورد

01-09-2022 - 04:03 pm

السلام عليكم
اتمنى محد يخيبني انا اعتمدت الجدول اللي بمشي عليه لكن باقي الفنادق ودي
اسالكم عنها اللي حددتها الشركه
في روما boscolo او clarige
في ميلان boscolo exedra او perrier
في فينيسيا villa odino
ها وش رايكم بهالفنادق من ناحيه الموقع والخدمات واكون شاكره لو ساعدتوني

التعليقات (9)

الـُـف حـٌـرفٌ

01-09-2022 - 06:16 pm

نقاء الورد
يابوي من الي محدد الفنادق ؟؟؟؟؟؟؟؟؟
بعي ده
بس فندق boscolo hotel اقرب من الاول بس هم بعيد
بميلان فندق boscolo exedra بالسنتر وموقعه مقبول يبيله لياقه شوي بس
الي في فينيس مو طالع لي لا على البوكينق ولا القوقل ماب
بس حاولي كثر ماتقدرين تكونين قريبه من ساحه السان ماركو
قولي لي كم ميزانيه الفنادق لليليه وبدور لج فنادق بنفس القيمه واماكنها حلوه
اذا تحبين

مهاجر999

01-09-2022 - 07:17 pm

عليكم السلام
بالنسبة لميلانو أنصحك أول شي تبحثي عن الفنادق في ال duomo وبيطلع لك الفنادق اللي فيها ، وبحث كذا اختار منهم ، أنا سويت كذا واخترت فندقين أشوف انهم الأفضل وكتبت موضوع هنا وأنتظر الرد عشان أعرف الأفضل فيهم

نقاء الورد

01-09-2022 - 08:18 pm

الف حرف الشركه هي اللي حددت
انا قلبي قرصني لاني ماقد سمعت عنها
ياليت تساعدني واكون شاكره لك

نقاء الورد

01-09-2022 - 09:19 pm

مهاجر999
زين جزاك الله خير والحين بدور حسبي الله
على هالشركه وشاكره جدا مساعدتك لاهنت

الـُـف حـٌـرفٌ

01-09-2022 - 10:20 pm

نقاء الورد
الشركه سفريات هي الي محدده لج ؟
طيب انتي حجزتي الفنادق ولا للحين ؟
ومتى رحلتكم ؟
واذا ماحجزتي الفنادق عطيني متى بتكونين في روما
اي تاريخ لي اي تاريخ ومن ميلان وفنيسيا وكله بالتواريخ
وكم مزانيتكم للفندق الواحد

نقاء الورد

01-09-2022 - 11:21 pm

هلا اخوي يوم ا يوليو بكون بروما وبجلس فيها 3 ايام
وبعدين بروح ميلان هم 3 ايام ومنها بطلع فينيسيا وبرجع
وميزانيتي جيدجدا انا اخترت الحين 3 فنادق اخترتها من المنتدى هنا
هي اربع نجوم لانه حرام يومي بيكون كله برا
وبعطيك اسماءها في روما
hotel art by the spanish steps
hotel rose garden
hotel homs
ياليت تساعدني ادري رفعت ضغطك بس تحملني الله يسعدك يارب

الـُـف حـٌـرفٌ

02-09-2022 - 12:22 am

نقاء الورد
اهلين اختي
افضل فندق من الثلاثه الي اخترتيهم هو hotel rose garden
لقربه من شارع فينيتو الشهير وموقعه ممتاز
بالنسبته للفنادق الي بميلان تبين تغيرين الي اخترتيهم ولا ؟
افا لا رفعتي ظغطي ولا شي وحاضرين وانا اخوج

نقاء الورد

02-09-2022 - 01:23 am

هلا اخوي ماقصرت لكن هالفنادق الثلاثه
اعطيتها الشركه يعني الاثنين الباقيين مو كويسين ولا عادي
وبميلان اخترت فندقين وكمان اعطيتها الشركه وان شاء الله
اكون وفقت بالاختيار واكيد رايك يهمني وهالفندقين هم
hotel de la ville
grand hotel plaza

الـُـف حـٌـرفٌ

02-09-2022 - 02:24 am

نقاء الورد
لا اماكنهم حلوه الفنادق الاثنين لكن بالنسبه للموقع افضلهم
الي قلت لج عليه
اما بالنسبه لميلان
انا حاجز في فندق grand hotel plaza
موقعه افضل من الاول اقرب للدومو
لكن ماسكنت فيه انا بسكن فيه 16 يوليو
في ناس اعرفهم يمدحونه من ناحيه الاثاث والغرف
وتعامل الكونسيرج وغيره ومن نظافه الخ

فينيسيا - البندقية المسافرون العرب

ماباقي وقت تكفون ابي رايكم يا اهل الخبره