اعزائي سافرنا بالعام الماضي الى تايلند على خطوط الاتحاد وكنا متأملين خيرا بهذه الخطوط ..وكم كانت الصدمه بدايه تم حجزنا الرياض ابو ظبي بانكوك الرياض وبعد فتره قالوا مافيه حجز من الرياضوكنسلوا حجزنا بدون ادنى وجه حق وبعد محاولات عديده اخذنا حجز من الدمام ورضينا تخيلوا دفعنا سعر التذكره من الدمام بنفس سعر التذكره من الرياض وسافرنا على حسابنا من الرياض ومع ذلك رضينا متأملين بما هو افضل بباقي المحطات تخيلوا لم نجد رحله من الرياض الى الدمام الا الساعه11 صباحا ورحلتنا الى ابو ظبي الساعه 11 مساء ومع ذلك حاولنا ماننكد على انفسنا وان نفرفش ونو سع صدورنا تمشينا بالخبر والدمام لحد وقت الرحله وصلنا الى ابوظبيالساعه 1 فجرا وبتوقيت ابو ظبي كانت 2 فجرا وجلسنا ننتظر ياخذونا للفندق عشان نبيت فيه الى موعد الرحله اللي كانت9 صباحا طبعا على بال ماجلسنا ننتظرهم وطلعنا من المطار كانت الساعه حول 3 فجرا وعلى بال ماوصلنا الفندق اللي كان بوسط البلد كانت 3ونصف وكان التعب اخذ منا كل ماخذ خاصه طفلنا البالغ 4 سنوات ونصف وعند وصولنا للفندق انصدمنا بالمستوى اللي ظيوف الامارات وظيوف الاتحاد يسكنون فيه والله العظيم ان الرائحه كانت نتنه لدرجه لانستطيع التحمل هذا غير الازعاج والخافي كان اعظم عند دخولنا للغرفه والله العظيم ان الكنب والموكيت متمزق وبعضه محترق ويقولون 4 نجوم اتحدى نجمه وتخب عليه بعد المهم بعد الاخذ والهات والصياح والصراخ وكلمنا الرسيبشن وخطوط الاتحاد غيروا الغرفه لطابق غير المدخنين وبغرفه احسن بشوي من الغرفه اللي قبلها حاولنا نغير لكن لم نستطيع مع ان الموظفه اللي بالاتحاد متفهمه وراحمتنا لكن ماكانت تقدر تسوي اكثر من كذا المشكله اننا تعبانين ومن الساعه 9 الصباح صاحين وهلكنا من التعب والرحله لازم نصحى 6 على بال مانلبس ونروح المطار لأنه بعيد عن المطار يبلنا اكثر من نصف ساعه مع زحمه الصباح نمنا لكن بملابسنا وجزمنا اكرمكم الله (الله لايعيد ذيك الايام) المهم مانمنا زين ورحنا نفسنا براس خشمنا للمطار حاولنا نبحث عن احد نبثه الشكوى مالقينا لأن المدير كان عنده اجتماع لكن تعاونت معنا مظيفه ارضيه هنديه قمه بالأخلاق الله يوفقها على حسن تعاملها مع انها ماقدرت تسوي شي الا كفايه انها حست بنا وانصدمت من اللي صار وقلت لازم نشوف حل لكم ونعاقب المقصر بس هي سوت اللي عليها اما الباقين ماجابوا خبر طلعنا اخر ناس على امل ننتظر المدير المناوب ولا جاء وطلبت منا نكتب اللي صار بالتفصيل ونحط عنواننا المهم سافرنا وا نبسطنا الحمد لله وعند العوده كانت الرحله الساعه 9 الصباح ياشين توقيتهم المهم وصلنا ابو ظبي الساعه 12 بتوقيتهم ورحلتنا للرياض الساعه 8 بالمساء تخيلوا 8 ساعات بنجلس بالمطار ووين بصاله كبر يدي بغينا نطلع وطلبنا ياخذون العفش اليدوي اللي معنا رفضوا وكان تعامل المضيفات الارضيات سئ جدا جدا وتنافخ وماتعطي احد وجه وتتمسخر على الواحد بالكلام المهم ماعطونا الا وجبه واحده وهم اللي يحددونها وكان المطعم جدا صغير والمدخنين وغير المدخنين مع بعض تخيلوا !! ابني تعبان صدره ماراح يتحمل الوضع وبعد حوسه وطقاق وكلمنا المدير المناوب وهنا فيه كلمه حق اقولها الاخوان الامارتين تعاطفوا معنا وقالوا ان الكل يسب خطوط الاتحاد المهم وافقوا بعد حوسه انهم يعطونا اب قريد يعني نرجع على الدرجه الاولى وجلسنا ننتظر وقت الرحله بالصاله الخاصه بالدرجه الاولى وكانت رائعه نت مجاني وبوفيه مفتوح وسعه صدر والدرجه السياحيه كأنهم راكبين ببلاش المهم قالت لنا المضيفه نفسها اللي قلتلكم عنها الهنديه لازم تكتبون شكوى وجلسنا نكتب وضاع الوقت بالكتابه وباخر شي يام جينا نطلع اكتشفنا انهم ماحطونا درجه اولى يعني بالعربي يلعبون علينا وقالوا مافيه مكان معقول ماكانوا يدرون حسبي الله عليهم بس والله ان كل ريال دفعناه خساره فيهم طلعنا وحنا :112: مره وكملت علينا مضيفه اجنبيه ولدنا كان نايم وسادحين الكرسي شوي وتقول لنا ارفعوه اللي وراكم تضايقوا معهم يبون ياكلون مع ان الكل عارف ان الدرجه اللي مسمح ان الكرسي ينزل فيها ماتضايق اللي وراه ابد والا كان كل الناس تتطاقوا على اول كرسي المهم نكدت علينا عشانا ورجعنا الاكل لهم مااكلنا منه ولا شي وحطينا ولدي نايم بالطول علينا اللحين اللي دافع تذكره يتمرمط وماينام على كرسيه عجبي انا اخذ مني الغضب كل ماخذ وحطيت حرتي بالمظيفه جت السوبر فايزر وهاوشتها واعتذرت بالنيابه عنها نكدت علينا الله ينكد عليها تخيلوا لنا سنه والى اللحين كل مااتذكر انقهر ادري السالفه طويله وقديمه بس من جد تقهر
مايستفاد من الموضوع