حياك الله يالغالي ...
أنصحك بما أنها الزيارة الثانية لماليزيا أن ( تغير شوي ) في المدن
مثلآ : تضيف ( جنتنغ أو الكاميرون ) ... أو البورت ديكسيون في البداية ...
على العموم تفضل الفنادق الأفضل في المدن الماليزية :
سلانجور ... فندق الصن واي لاقون ( لازال هو ملك جمال الفنادق هناك )
لنكاوي ... فندق الويستن + فندق الأندمان + فندق البلانجي بيتش
بينانغ .. فندق القولدن ساندس + فندق البارك رويال
كوالا ... فندق التريدرز + فندق رويال شولان
البورت ديكسيون ... منتجع ( القراند لكزس )
الكاميرون ... فندق ( الدي لافرانس )
جنتنغ ... فندق ( الفيرست وورلد )

وافي بزمن جافي
أنصحك بما أنها الزيارة الثانية لماليزيا أن ( تغير شوي ) في المدن
مثلآ : تضيف ( جنتنغ أو الكاميرون ) ... أو البورت ديكسيون في البداية ...
على العموم تفضل الفنادق الأفضل في المدن الماليزية :
سلانجور ... فندق الصن واي لاقون ( لازال هو ملك جمال الفنادق هناك )
لنكاوي ... فندق الويستن + فندق الأندمان + فندق البلانجي بيتش
بينانغ .. فندق القولدن ساندس + فندق البارك رويال
كوالا ... فندق التريدرز + فندق رويال شولان
البورت ديكسيون ... منتجع ( القراند لكزس )
الكاميرون ... فندق ( الدي لافرانس )
جنتنغ ... فندق ( الفيرست وورلد )

الف شكر اخوي الوافي على الرد السريع
والرحله هذي لاحد الاقارب يبي يتزوج وموصين ارتب له
وابيله حاجه تبيض الوجه
كل الشكر والتقدير على المساعده

حياك الله يابو عبدالله
مايهمك ياغلاهم : بأذن الله أنها فنادق ( تبيض الوجه ) وترسم البسمة ... وترزع الفرحة
واللي ( يعز ) عليك ... يعز علينا يابو عبدالله ... ونخدمه بعيوننا والله

وافي بزمن جافي
مايهمك ياغلاهم : بأذن الله أنها فنادق ( تبيض الوجه ) وترسم البسمة ... وترزع الفرحة
واللي ( يعز ) عليك ... يعز علينا يابو عبدالله ... ونخدمه بعيوننا والله

تسلم عيونك يالوافي
والف شكر على التواصل والمساعده

بالتوفيق لك أبو عبدالله ... تحياتي

يعطيك العافيه اخوي وانشالله ترتب له البرنامج الي يسره باذن الله حبيت افيدك ببعض الامور بالنسبة لفندق صن واي لاجون في سيلانجور هو افضل وارقى واجمل فندق سكنته في زيارتي لماليزيا العام الماضي وبوفيه الافطار لوحدة حكاية , والنظافة والترتيب والموقع والقرية المائية والمولات التجارية القريبة منه شيء يفوق الوصف ...
بينانج فندق قولدن ساندس بيتش راقي ايضا وهو من فئة الاربع نجوم على ما اضن حلو واطلاته روعة بعد العصر فيه العاب جيتسكي متوفره وممتعة ودبابات وباراشوت وموقعه حلو وفي وسط سوق والمطاعم
ايضا قريبة و كنت اتمشى على رجولي انا وزوجتي بعد المغرب بالاسواق واستمتعنى فيه وبوفية الافطار ممتاز
لنكاوي فندق برجايا لنكاوي ممتاز وموقعه حلو على البحر وهادي وقريب من التلفريك وبوفية الافطار ممتاز ايضا (فندق باي فيو بيتش على ما اضن الاسم اذا ماكنت غلطان سكن فيه اكثر من شخص اعرفهم وقالو كانت غلطة ) وما مدحوه
فيه ملاحظة : بالنسبة للعبارة انا اعتبرها كانت اسوء مافي الرحلة ولو انها تعد بالنسبة لنا تجربة وشي غريب اول مره نجربة لكن ما وصلنا الا وحنا عايفين الرحلة وماليزيا كلها
نرجع لكوالا لمبور : سكنت فندق الويستن في شارع العرب فندق من فئة الخمس نجوم وسكنت فيه غالي بالليلة الوحدة 850 ريال سكنت فية ست ليالي ب 5100 ريال تقريبا وانا عن نفسي اعتبره كذلك غلطة كبيرة في رحلتي لماليزيا بالنسبة للبوفية ممتاز ماعليه كلام نجي للغرفة ؟ اولا دورات المياة مافيها شطاف الله يكرمكم ثانيا بالنسبة لنضافة الغرف كنت اطلع من الغرفة وارجع لها اخر النهار واوقات متاخرة من الليل وهي زي ماهي الروم سيرفس ما جاها ولا طل عليها اوقات كنت اشوف الروم سيرفس جاي ومغير المناشف والصابون وعلب الشامبو فقط والباقي مخليه مثل ماهو لا ترتيب ولا شي . صراحة ماعجبني ابدا وقلت لو اني داري رجعت لفندق صن واي لاجون بما انه يعتبر ضاحية من ضواحي كوالامبور يستاهل السكن فيه
بالنسبة للحجز حجزت عن طريق موقع دليل ماليزيا وهو موقع موثوق به وبصراحة من تعاملي معهم لا اقدر ان اوفيهم حقهم بالكلام مهما تكلمت ماقصرو وبارك الله فيهم وفي جهودهم والموقع شامل وكل شيء واضح بالصور والسعر وماعليك الا الاختيار...
عن نفسي كانت اول رحلة لماليزا وماكنت واثق بموقع بوكينق لاني ماكنت مطلع عليه جيدا
بعد رجوعي للوطن عاد معي احد اصاحبي كان في رحلة شهر عسل ايضا ولكنه ذهب الى دول اوروبا وعند مقارنت رحلتي برحلته قلت ياحسافة روحتي مالزيا
كلفتني الرحلة لمدة 15 يوم 42 الف ريال بينما هو كلفته الرحلة 14 يوم 38 الف والفرق كبير عندما تقارن ماليزيا ب اوروبا من ناحية الاجواء والتمشيات
هذا ماحبيت افيدك فيه اخوي وتقبل مروري وشكرا لك