حياك الله يالغلا الرياض أكبر من البحرين (الدولة) وتقريباً نصف مساحة دولة الكويت ^_^
كبيرة جداً وراح تلاقي كل شيء فيها ان شاء الله ..
https://artravelers.com/p/re/259622
كل شيء عن الرياض موجود بالداخل ..

هلا فيك اختي
الله يحيك وان شاء الله تعجبك

انا من سكان الرياض وعايش فيها
والله الرياض مافيها غير ضيقة الصدر والي مصبرني عليها أهلي
وهي ليست مدينة سياحية هي فقط مدينة للبزنس والي عنده عمل او يدرس بجامعة او يراجع وزارة

عاشق هاواي
على حسب المكان الي انت ساكن فيه ..
انا كنت أقول كذا قبل لكن الحين الدراسة صارت بالعليا وشفت هذيك المناطق حسيت فعلاً ان الرياض مدينة ..

1. الا ماكن التراثية


2. ..شي للشباب خاص مافيه .للأسف ..


3. تعليم الصيد او القنص

الباشا الصغير
هلا بك ...
الرياض حلاتها من شهر 10 ميلادي الى 4 تقريبا يعني مثل اغلب دول الخليج من ناحية الجو طبعا ..
اما من ناحية الخدمات السياحية
ابشرك انه راح يتم السماح للخطوط الخليجيه للنقل داخل الممكله وهذا راح ينعش السياحه باذن الله تعالى ..
اما بخصوص تقديم الخدمات مثل الرحلات السيياحية ... هذي موجوده بس على نطاق ضيق مرة

الا ماكن التراثية

فيه موجود , مثل قصر المصمك او متحف قصر المصمك الرياض , الدرعية , سوق الثميري وهذا يبيعون فيه كبار بالسن البشوت وبخور العود والسيوف والاسلحه القديمه والاشياء التراثية بحالتها الاصليه بشكل عام ...
الرحلات السفاري ..للأسف انه مافي واذا فيه بيكون شغل افراد يعني مافي شركه متخصصه مثل دبي او ابو ظبي مثلا ..لكن انا اأكد لك انه قريب راح يكون فيه وانا على صله بشخص ناوي يتخصص ببزنس فيه من الشغلات هذي وراح اخبرك اول مايبدا ..
المدن الترفيهية الكبيره ..موجوده بس للحريم

..شي للشباب خاص مافيه .للأسف ..

تعليم الصيد او القنص

الصيد بالبنادق اصلاً ممنوع بالسعوديه ..المسموح به هو الصيد بالصقور وكلاب الصيد " السلق" وهذا وقتها يكون بالربيع او اواخر الشتا والمكان يكون بالمحميات الطبيعيه ...لكن اذا تعرف احد من اقرباءك او اصدقاء الوالد ممكن يرتبون لك رحلة صيد بس راح تكون بالدس
عموما الرياض والسعودية بشكل عام مقبلة على نهضه سياحية بالسنين القريب الجايه ان شاء الله ..
اتمنى اكون عطيتك فكره افادتك عن اسئلتك ...
في امان الله

الله يعطيكم العافية شباب والله انكم احرجتموني مع العلم اني اذا مريت من عندها ارتاح
ومشكورة اخني عطر الليل انا ولد (:

أخوي الباشا الصغير الرياض أحلى ما فيها تنوع السلع والأسواق وفيها أماكن أثرية كثير’ لكن من غير أهتمام وحاول أنك تجي وقت مهرجان الجنادرية ..
والأخ أنا المغترب عطاك معظم التفاصيل ..
وأنا متوقع أنك راح تبسط بالرياض إذا كنت مع واحد يدل بالمنطقة زين
مع العلم أني من الشرقية لكن أنا أحب زيارة الرياض كثير
ويمكن أنا وأنت نجتمع بهالصفة
تحياتي

بعد اذن الاداره
خيمة الرحلات البرية - منتديات مكشات خيمة المعالم والظواهر والآثار - منتديات مكشات خيمة الصيد البري - منتديات مكشات http://www.mekshat.com/vb/forumdisplay.php?f=43

وين افضل سكن في الرياض