ياعزيزي لاتنسى عمولة البنك مكلفة سواءا اكان البنك الخاص بك
أو حتى المكينة الخاص بالبنك المسحوبه منه ولكلاهما نسبة
وهنا يسحب منك أكثر من عموله لمصلحة الطرفين ... وقس كم عملية سوف تحتاج في سفرك
لو أعتمدت على بطاقة الصراف ....
وهنا قد يتوقف حسابك فتره لكي تتم حسبة العموله كون السحب قد يكون بإستمرار
نصيحة الكاش أفضل وبالدولار أخف وافضل
ومن ناحيتي صار معاي موقف في دولة المغرب كل مصروفاتي عن طريق السحب
وطلعت مني عرض مع بنك الراجحي وتم توقف حسابي وسحب مبلغ مني
مايقارب 8000 ريال سعودي وبعد معاناه وتدقيق تم إرجاع ماتم سحبه
بغير وجه حق من غير العمولة ....
ونصيحة الفنادق فيها امان بعد الله وهناك صناديق خاصة سواءا في الأستقبال لكل قاطن بالفندق
اوحتى في الغرفة هناك خزنة برقم سري لاتخفى عليك ...
والشور شورك
كل الود

انا مرة توهقت والبنك مو راضي يسحب وكلمت البنك قال لازم تراجعنا ولو من بعد الله والربع اللي وياي افزعولي كان انا مقدم لجوء فالنصيحه يكون وياك كاش وبطاقة البنك للاحتياط فقط

الكاش سيد الموقف
كم مرة تبي تسحب ! كل يومين 200 دولار ! كم يوم تبي تجلس !
خلنا نقول 6 سحبات أحسب العمولة !
نفرض البطاقة أختربت !
عندك حل واحد تستخرج بطاقة فيزا مسبوقة الدفع من أي بنك في السعودية وتشحن بالمبلغ المطلوب لسفر
لأن بطاقة الفيزا المسبقة الدفع الشراء فيها بدون عمولة مجاناً عن طريق أجهزة الصرف في المحلات والفنادق والإنترنت
ولاكن إذا تسحب كاش على كل سحبة 35 ريال بغض النضر عن كمية المبلغ المسحوب
أنتبه لنقطة هذي ( 35 ريال لكل سحبة كاش وأضف لها فرق صرف العملة )
ممكن سرقة رقم البطاقة عن طريق أي محل
خاصة في دول فقيرة مثل شرق أسيا لا توجد بها ملاحقة قانونية
رحلة سعيدة

انا دايك اخذ معي الفين دولار كاش و اصرف منهم
والفنادق ادفعها بالفيزا والحجوزات كذلك

شوركم وهداية الله
بطاقة الصراف خسارتها تقريبا 300 ريال بس تامن فلوسك بجيبك ( مثل التأمين )
مشكلة الكاش 2000 دولار مثلا لو انسرقت .. من يعوضك ؟؟
خير الأمور أوسطها .. آخذ معي 1000 دولار كاش والباقي بالصراف

انامع كلام اخوي الحنون الصرف بالبطاقه متعب ونا والله صار لي نفس الحنون كنت في ماليزيا ولم اعتمد على البطاقه لكن الصرف كثر والمبلغ الي معي مكفى لين نهايه السفر يعني والله اخر يومين قلت يالله الرواتب ونازله والحال ميسور الحمدلله ورح لقرب مكينه صرف وسحب الف ريال سعودي يعني والله نسي كم يجي ابعملتهم المهم والله وثاني يوم رحت بسحب ودخل البطاقه وترفض تسحب الرصيد ميغطي وروح مكينه ثانيه ونفس الوضع وتصل على خدمة على بنك الراجحي وقولهم ليش البطاقه رافضه تسحب والحساب فيه اكثر من عشرة الاف قالي الموضف وبكل برود تم تجميد الحساب طيب ليش قالي علشان ياخذ البنك فرق العمله بعدين يرد احسابك مثل اول قلت طيب انا راتبي على البنك واخذن قسط من الراجحي يعني مقدر افر منه صيدني صيدني ليش يجمد احسابي قالي هذا النظام الموجود ولا اقدر اسوي لك اي شي والله كنت في وضع لااحسد عليه بس الله يبارك بالبنك ساب والله انقذني بعد الله سبحانه هل البنك انا سحبت منه قبل عشرة ايام من انتهاء الرحله والله يااخوان ساحب كل الرصيد الي فيه بس الهمني الله رحمه لمن كان معي من اطفال قلت ابجرب يمكن تسحب ولا شي وفعلن دخلت البطاقة وطلب سحب 4000 والله والمكينه اتجاوب معي وتعطيني المبلغ والله الفرحه مالها مكان علشان كذا اخوي لاتعتمد اعتماد كلي على البطاقه

بصراحه ما قد حصلت مشاكل مع البنك
بالعكس .. احيانا اسحب مرتين في اليوم حتى اصفي كامل الرصيد المسموح لي باليوم الوحد وعادي
مع ذلك لابد يكون معي بطاقة صراف لبنك ثاني ( لو حصلت مشكلة أو ضاعت البطاقة الاولى ) غير الفيزا

ما انصحك اخوي تسحب من البطاقة وايد بتخسر وبيضربون عليك فوائد على كل مرة تسحب
والله يوفقك انشاءالل ه