حنظله
19-08-2022 - 10:45 am
السلام عليكم ورحمة الله وبركاته
كيف الحال ,كلن بحاله
عساكم بخير ومبروك عليكم الشهر
نحنا (أنا وزوجي) معزمين ان شاءالله ثاني العيد نروح سويسرا
و
لو بتسمحون عندي كم سؤال وطلب عن سويسرا
أول سؤال كيف نطلع الفيزا السويسرية قالولي لازم نحجز موعد فالسفارة اونلاين وانا يوم دخلت الموقع كله انجليزي مافهمت شي ياليت حد يساعدني في هالشي؟
ثاني شي بنروح ان شاءالله سويسرا 10 أيام شهر عسل وبصراحه زوجي أبدا مش متطلع في هالامور وهيه كانت اختياري والسبب تقاريركم اللي تجنن من حلاتها من جذيه أريد جنيف يومين مب اكثر و زيوريخ وانترلاكن وفي حديقة ناسية اسمها بين الحدود الفرنسية والسويسريه ههه
المهم لو في حد بيسويلي مخطط حلو ومرتب ويحطلي فنادق راقيه حلوه ؟
سؤال أخير: هل تنصحوني أروح دول ثانيه يعني فرنسا مثلا والا جذيه احسن
لان ماعندنا خبره واول مره /وايضا بيدخلونا بالشنجن سويسرا والا لازم نروح دولة اوروبيه قبل؟
سامحوني طولت عليكم بس والله مب من كثر سيراتنا اوروبا
وسلمتو
بإنتظاركم
بالنسبة للفيزا لابد من الاتصال بالسفارة اولا عن طريق هذا الهاتف 014881291
وأخذ موعد, وطباعة النموذج والانتباه للشروط المرفقة للنموذج
والمدن المقترحة
جنيف- مونترو- قشتاد- انترلكن- جنيف
واذا المدة 10ايام خلوها بسويسرا وريحوا من المشاوير
وفي تقارير الاعضاء تجدون الفنادق المناسبة لكم
رحلة موفقة