نشر في لندن

لو سمحتو ساعدوني الله يخليكم بليز

مضاوي قمر ضاوي

13-08-2022 - 03:17 pm

السلام عليكم و رحمة الله و بركاته ...
أنا و عائلتي حابين نسافر ل لندن بالصيف تقريبا شهر 7 ((يوليو)) عائلتي عبارة عن 8 أشخاص كبار و طفلين و حابين نسكن في شقة تستوعب عددنا !! يا ليت تساعدوني ؟؟ أتمنى أنكم ما تخيبون ظني و تردون علي ..... بليز الله يخليكم ساعدوني

التعليقات (9)

القطري

13-08-2022 - 06:05 pm

وعليكم السلام ورحمة الله وبركاته
الغالي ..
اتفضل هالأرقام وتأكد منهم إذا عندهم حجوزات او لا ..
وأطلب منهم شقه 3 غرف ولكن المشكله عددكم ماشاءالله تبارك الله 8 ..
لكن مش مشكله .. خلو حد من الشباب يرقد بالصاله
وإذا كلمتهم ومالقيت قولي وانا بحاول ادبرها لك ان شاءالله
الرقم الأول
ممنوع وضع رقم خاص - ملبورن
الرقم الثاني
ممنوع وضع رقم خاص - ملبورن
وأي شي ثاني احنا تحت امرك ..

مضاوي قمر ضاوي

13-08-2022 - 07:06 pm

مشكور أخوي القطري على الرد ... و بحاول إنشالله إتصل و إنشالله نحصل سكن
على فكرة (( أنا بنت )) ... (( أتمنى الشقق مش في الإدجور رود ))

القطري

13-08-2022 - 08:07 pm

مضاوي قمر ضاوي
أسف أختي والمعذره :upset:
بالنسبه للمكان تقدرين اتحددين المكان الي ايعجبج وإذا المكاتب ماعندهم ( وأنا امجربهم وعندهم )
راح أضيف لج مكاتب ثانيه بعيده عن ادجول رود أشوي ..
وأي شي ثاني مثل مجمعات + محلات + حدايق ...الخ
راح اتلاقينا تحت أمرج ..
والمعذره اختي مره ثانيه :whistling

لـــنـــدنـيـه

13-08-2022 - 09:09 pm

اختي موجود مواقع الفنادق وان شاء الله تستفيدين

مضاوي قمر ضاوي

13-08-2022 - 10:10 pm

شكرا لندنية على الرد .... لكن أنا حابه آخذ شقة ...

مضاوي قمر ضاوي

13-08-2022 - 11:11 pm

أخوي (( القطري )) أنا أول مره أسافر لندن .... فأتمنى تضيف لي أسماء المجمعات و أسماء الأسواق الشعبية الموجودة في لندن...؟؟ و هل أسواقهم الشعبية لها يوم محدد تفتح فيه ؟؟و متى ينتهي اليوم عندهم؟؟ اللي سمعته أن اليوم ينتهي في لندن الساعة 5:30 المساء!! ولامحل يفتح بعد الساعة 5:30 المساء؟؟
sorry أسئلتي كثيرة ......

Q-T

14-08-2022 - 12:12 am

هلا بسميتي
اسواق
لندن
طقي شارع اكسفورد كله محلات من اوله الى اخره
اذا بتمين شهر ماتخلصينه
وتفرعاته
بوند ستريت ونيو بوند ستريت
فيهم محلات وماركات
طبعا في اكسفورد موجود مجمع سلفردجيز جياسته"bag" صفرا او تقريبا 5 طوابق كل طابق فيه شي
مثل الاول مكياج ورجالي او عطورات
خلصنا من اكسفورد وربعها
اذا انتي واقفه صوب اكسفورد والهايد بارك بويهج
ورا الهايد بارك يجي عندج
شارع نايس بريدج فيه السفاره الكويتيه
وفيه فندق الشيرتون بفندق الشيرتون خوش قهوه اسمها 101
عاد تقريبا قريب للشيرتون
مجمع اسمه هارفي نيكولز
وبعد يمهم مجمع ابو الاعلام الخضرا هاارودز وهذا غني عن التعريف نفس نظام سلفريدجز
بعد هم قريب صوبهم شارع الماركات سلون ستريت
وبليل اذا تحبون تسهرون مع الاهل تقدرون تروحون البكديلي
في البكديلي مجمع التركيديرو العاب للشباب والبنات الصغار
بس بعد ال 6 في لندن احسن تدهنون رويلاتكم من عقب المشي
وتستعدون حق التسوق اليوم الثاني ^_^
وبراايي اذا لغتكم تمام تقضونها باصات اونس
واسهل بالتنقل بس اذا عرفتي النظام لهم
هذي قليل من الموجود
بنسبه لي انا
لي رحت لندن
اروح اكسفورد بوند ستريت ونيو بوند ستريت وفي دواعيس
وسفريدجز وهارودوز وهارفي نيكولز
وقهاوي ومطاعم هنديه ويمعات بالهايد بارك وهالسوالف
اذا عندكم عيال
في حديقة العاب التون تاورز وثورب بارك
اذا بتحجزين لهم في مكاتب سفريات في ادجور رود مصرين
والله يونسون يودونكم برحلة مع باص
ويطلع عليكم ارخص
هذا الي اذكره
اذا بغيتي شي تدللي
حاضرين والله يسهل عليكم

القطري

14-08-2022 - 01:13 am

مضاوي قمر ضاوي
وأن شاءالله راح تستانسين وأتكيفين فيها ..
وإذا هذي الأسئله تعتبرينها كثيره ف الله لاأيرويج أسئلتي إذا حبيت أستفسر عن شي !!
ان شاءالله بكرا الصباح راح اخلص شغل المكتب في الدوام وبعدها بدخل من هناك ان شاءالله وبتلاقين ألي أيسرج ..
لأن الوقت تأخر الحين وبكرا دوام
المعذره أختي ..

القطري

14-08-2022 - 02:14 am

تذكر شي فقلت خلني أكتبه قبل ماأنام ..
فيه سوق شعبي أسمه شبربوش..سوق حلو وفاتح طول أيام الأسبوع..أنصح بزيارته وخصوصاً إذا حبيتي تشترين هدايا للأهل لأنه ارخيص ..في العاده أشتري منه هدايا للأهل وللصغار بسبب انه رخيص ..
في العاده يفتح من 10 لين 3 او 4 العصر ..
وفيه سوق شعبي ثاني أسمه سوق الأحد..هذا يفتح يوم الأحد من الساعه 9 الصباح تقريباً لين الساعه 1 أو 2 الظهر ..تقريباً نفس سوق شبربوش ..إذا مارحتي سوق الأحد فلا أتزعلين عمرج لأن شبربوش نفسه وأفضل منه بعد ..
والباقي بكرا الصباح ان شاءالله ..

لندن المسافرون العرب

لو سمحتو ساعدوني الله يخليكم بليز